السلام عليكم بنات
طبعا ملاحظين كثره المواضيع اللي تستفسر عن صناديق الاستثمار لكذا فكرت افتح هالموضوع بغرض الافادة

أول سؤال.... ما هي افضل الصناديق الشرعيه للمتاجره بالاسهم المحلية؟؟
الجواب.... من واقع الارباح واداء الصناديق فالترتيب كالتالي:
1-صندوق الامانه في البنك السعودي البريطاني
2-صندوق الرائد في البنك السعودي الأمريكي
3- الصندوق الشرعي في البنك الاهلي

ثاني سؤال... ماهو انسب وقت للاشتراك في احد الصناديق؟؟
الجواب... مع بداية الربعية الجديدة وانخفاض قيمة الوحدة
فاذا قررتي تدخلين في احد الصناديق حاولي تتصلين بشكل يومي على البنك اللي اخترتيه لمعرفة سعر الوحدة
مثلا اتصلي اليوم على البريطاني واسالي كم سعر الوحدة؟ بيقولون مثلا 14.5
باليوم اللي بعده اتصلي واساليهم عن الوحدة بيقولون مثلا 15
باليوم الثالث اتصلي واساليهم عن الوحدة واذا قالو مثلا 13.5
معناته نزل سعر الوحدة فاتكلي على الله واشتركي بالصندوق


ثالث سؤال.... ايش هي الوحدة ؟
الجواب... نفرض معك 50000 ريال وتبين تشتركين بصندوق الامانه تبع البريطاني وتبدين بسعر وحدة 13
راح يقسمون الخمسين الف على 13 (50000/13 = 3846)
يعني صار معك 3846 وحــــده
وكل فترة ممكن تتصلي على البنك وتشيكين على سعر الوحده
يعني مثلا بعد اسبوعين صار سعر الوحدة 14.5 معناته انك كسباااانه
تضربين عدد الوحدات اللي معك × سعر الوحدة اليوم
3846× 14.5 = 55767 ريال
نقصيها من المبلغ الاساسي (55767- 50000= 5767)
يعني ربحانه 5767 ريال
ولو نزلت الوحدة الى 12.5 مثلا تكونين خسرانه
لكذا نقول لاااازم تفتحين الصندوق مع انخفاض الوحدة


رابع سؤال.... هل توجد ضمانات على راس المال؟
الجواب.... لا طبعا لان لو انضمن راس المال راح تعتبر ارباحك حراااام
بالتالي لازم تكونين عارفه ان في نسبه مخاطره وان كانت بسيطه


خامس سؤال.... كم الحد الادنى لفتح الصندوق؟
البنك البريطاني (صندوق الامانة) يشترط 7500 ريال كحد ادنى
البنك الامريكي (صندوق الرائد) يشترط 7500 ريال كحد ادنى



سادس سؤال.... كيف اشيك على المبلغ واشوف الارباح؟
الجواب.... اذا مشتركة بصندوق الرائد عندك سامبا اون لاين وسامبا فون
واذا مشتركة في صندوق الامانة لك لينك خاص عالنت في موقع ساب



سابع سؤال... كم ياخذ فتح الصندوق؟
الجواب.... يختلف اذا لك حساب بالبنك اصلا او لا
المهم تروحين لاقرب فرع وتعبين الابليكيشن كامل وتنتظرين من اسبوع الى ثلاث على الاكثر


لمزيد من الفائدة اطلعو على هالصفحه
http://www.tadawul.com.sa/wps/portal/!ut/p/.cmd/cs/.ce/7_0_A/.s/7_0_49L/_s.7_0_A/7_0_49L




بنات ترى تعبت بكتابه الموضوع فياليت القى ردودكم ودعواتكم
موفقات

مشكوره وجزاك الله خير
بس ما جبتي سيرت صندوق الاسهم 3 حق بنك الرياض
طموحه جدا الله يجزاك خير ويرزقك كل ماتتمنيه يارب موضوعك فعلا محتاجينه بس عندي
شوية استفسارات أبي أوصل لمعرفتها اذا تقدري عليها
اذا ماعندي حساب أصلا هل أقدر أفتح حساب عندهم وفي نفس الوقت اشترك في الصندوق والحد الادنى لفتح الصندوق شامل أيضا فتح الحساب ؟؟؟؟؟؟؟؟؟؟؟؟؟؟
ايش أفضل بنك لكل شي تنصحيني فيه من ناحية الأرباح مثلا وكل شي ؟؟؟؟؟؟؟؟
ياريت تفيدينا بباقي البنوك وصناديقهم وارباحهم وحد المبلغ اللي يقبلوه
وايش أفضل المحفظه ولا الصندوق الاستثماري ؟؟؟؟؟
انتظرك عزيزتي
[
مشكورة الطموحة ..يعطيج العافية
تسلمين الغالية..أهم شي يكون حلال

بس هل موجودين هاذيلا البنوك في الامارات..ياليت اتردين علي واتخبريني


سبـــــــــــــ حان الله وبحمده ......... سبــــــــــــح ان ربي العظيم


الساعة الآن 11:52 .