فيني غثيان اللي صار لها مثلي تطمني تكفون

:44:





آه ليش انا كذا انا طبيعيه او لا ولا كل البنات مثلي




بنات انا قبل كنت ملهوفه ع الزواج وادعي اقول متى يجي اليوم اللي اتزوج فيه << حاطه ببالي ان الرجل مصدر السعاده للاسف



المهم انا اللحين فيه ناس متكلمين فيني السالفه جد وينتظرون مني رد

وانا من قالولي وانا احس بغثيان وضيقه صدر وقل نوم وحراره وزني بينزل اللقمه اتجرعها تفكيرررررر من اصحى لين اانام تعبت وربي

هذي حياه طول العمر صعبه اتخذ قرار بيوم وليله قلت لاهلي عطوني وقت يمكن يطول الوقت بعد متردده بشكل ماتتصورونه ساعات اقول بلا زواج بلاهم وساعات اقول يابنت لو يروح كان ترجعين تفكيرين بالزواج زي قبل


احس ودي اجلس لحالي ولا ابي يفتحون معي المووضوع اهلي يقولون مانتدخل فيك كلما قلت لهم قالوا انتي اللي بتزوجين حنا ماعلينا الا نسأل عنه ونعلمك لو رفضنا بتقولين بعدين انتم السبب احسن لنا نخليك ع راحتك

وانا مخنوووووقه اول مره افكر باتخاذ قرار مصيري بالعاده اذا انخطبت مافيه مشاوره على طول رفض من اولها
وغير كذا افكر اقول اللحين من زين الزواج يومي متلهفه عليه ان جلست بجلسه حريم كلهن يسبن ازواجهم والله ماقد سمعت ان وحده تقول زوجي يدلعني دايم اشوفهن يجون لاهلهم والدمعه بعيونهم اويجلسون بالاسابيع عند اهلهم زعلانين احس شوي واكره الزواج واشوف بعيني اهانات الزوج لزوجته اقول ليش كذا بعض الرجال ليش بعد الحريم متحملات وصابرات وين الدلع وين والرومنسيه اللي تصير بين المتزوجين ولا تجي ام تشكى ياليتي مازوجت بنتي ذا الرجال غشونا قالوا انواع الدعاوي والتحسب مدري العله في الرجال ولا الحريم ناكرات العشير قسم بالله اني متخوفه مااتحمل مشاكل انا بنت هاديه ابي اعيش براحه وامان واذا صارت مشاكل انهار وانا من النوع الحساس واتعب يمكن اطيح بالفراش والله تعبت من التفكير اقول الزواج لازم ولابد منه وسنه الحياه لكل بنت

بس الخوف لاعب فيني لعب كله من الحريم وقعدتهم وتشكيهم عند البنات كله من المنتديات والتشكي والله خليتونا نخاف ونتردد صح مانبي نجلس بدون زواج بس خايفين من المشاكل اللي بتصير وخايفين من الصدمه بالرجال طبايعه وصفاته وفيه شي مايكتشف الا بعد العشره والزواج مثل البطيخ الله يعين بس قبل ماكنت اصدق المشاكل لكن يوم شفت بعيني اقول كيف بعض الحريم متحملات العيشه والاهانه والمشاكل يعني اللحين انا حاطه بباله ان الزواج بيخليني سعيده لكن الظاهر انه العكس الظاهر بيت الاهل وحضن الام والاب هو السعاده يناظرون خاطرك واذا صارت مشكله مستحيل يهاوشونك الا لمصلحتك دلع ويعطونك وماياخذون منك عسى ربي يطول بعمرهم

تكفون بنات انتم حسيتوا مثلي او فرحانين ووافقتوا بدون تردد ولا شلتوا هم وواثقين من نفسكم ومن حياتكم انها بتكون حلوه

انا بحال مايعلم فيه الا الله بين الموافقه والرفض واذا وافقت احس بتبداء هموم وتعب واذا رفضت احس برتاااااااااااااح وتنفتح نفسي وبنفس الوقت برجع لحالتي وافكر بالزواج ومن بتزوج وشيي مواصفاته يعني كل الحياه تعب يالله الجنه والعمل الصالح بس

................