مشكورين ياأخواتي بس انا مااكثر الماجي اهم شي يعطي طعم يعني مكعب واحد بس وعمري ماحطيت مكعبين في ايدام واحد

بس اهم شي يكون في الايدام حموضة محببة ومستساغة ومعجون الطماطم كمان روعه في الايدامات _ لاتقولوا معجون الطماطم مضر _!!!!!

بس انا اتوقع اي شي مصنع مو طبيعي اكيد يضر الصحة بس انا مااكثر لان تكثير المعجون او الصلصة يأثر على الطعم سلبيا ،،،،،،

وسلامتكم
انا اشوف الماجي مو ضروري وانا ماادخله بيتي بالمره

اهم شي طريقة الطبخ

يعني الايدامات مثلا طريقتها وحدة ماتغيري الا اللي بينضاف

اول شي حمري البصل على نار وسط مع كم قرن فلفل مايكونوا مفتوحين عشان لا ينحرق

البصل وحاولي انك توطي عشان يذبل مضبوط وماتكثري زيت بعدين تضيفي الثوم وقلبيه

شوي مع البهارات قرفة هيل كمون قرنفل فلفل اسود وتحمسيها مع الثوم

ممكن تضيفي اللحم اللي عندك دجاج او لحم وتقطيعه زي ماتبغي

وضعيه على البصل وتضيفي شوي ماء وتغطي القدر وتخليه على نار اقل من الوسط عشان

لاينحرق وتقلبي من فترة لفترة وماتخليه اللحم يلصق بالقدر

بعد كده يجي دور الطماطم طازجة ومعصورة في الخلاط وتضيفها على الخلطة

وتخلينها الى ان تنشف مويتها وزيديها شوي موية ولا تنسي التقليب

وضعي ملعتان صلصة ولاتكثري منها الى هنا ممكن تستخدمين الطريقة في الكبسة مع

زيادة بعض البهارات وتقليل عصير الطماطم وزيادة كمية البصل

بعد كده في الايدام حطي الخضار اللي تبغيه بطاطس جزر بازلاء فاصوليا كوسة

بس البامية و السبانخ والرجلة نفس الخطوات الاولى بس لها معاملة خاصة

ادري اني كثرت كلام بس لاني مريت بنفس تجربتك وحاسة فيك بس دحين الحمدلله

اذا عجبتك الطريقة ممكن اكمل لك
اللهم صلي وسلم على عبدك ورسولك محمد صلى الله عليه وسلم


احذر عدوك مرة واحذر صديقك الف مرة
جزاك الله خير ادنيا والاخره كملي
السلام عليكم

نكمل

البامية لها طريقة خاصة في التقطيع عند التقطيع لا تقطعيها بالعرض ابدا

لأنها تسبب لزوجة في الايدام فحاولي تقطعي الراس اللي فوق على شكل قمع دائري

وتكون الطبقة اللي تشيليها خفيفة ولا تقطعيها بالعرض بس ان شاء الله تكوني فهمتي كيف

وتضعي البامية في الايدام وتخليها الى ان تلين وبعد كده حطي كزبرة وفوريها شوي قبل التقديم

بقليل حتى تكون نكهة الكزبرة واضحة وطبعا راح تكون باللحم وبالعافية
اللهم صلي وسلم على عبدك ورسولك محمد صلى الله عليه وسلم


احذر عدوك مرة واحذر صديقك الف مرة
الرجلة

طبعا بعد تنظيف الرجلة وتقطيعها تحطينها فوق الكشنة وتخليها وتضيفي الماء بس لاتكثري

وتضيفي عليها عدس احمر او اصفر بعد غسله ونقعه وتخليه حوالي ربع ساعة على

النار والعدس راح يعطيها طعم لذيذ وبالعافية

السبانخ

تقطع السبانخ صغير مثل ماتقطعي البقدونس وتغسل

تضيفيه على الكشنة لكن لاتزيدي الماء لان السبانخ راح تنزل مويتها في الايدام وتخلينها

ربع ساعة

وطبعا اهم شي ان اللحم يستوي

وهذي طريقتي في طبخ الايدامات والمنتدى مليان طرق ووصفات وكل وحدة طريقتها تختلف

عن الثانية
اللهم صلي وسلم على عبدك ورسولك محمد صلى الله عليه وسلم


احذر عدوك مرة واحذر صديقك الف مرة


الساعة الآن 03:23 .