السلام عليكم ورحمة الله وبركاته
الله يسلمكم جايبتلكم مقلوبه جنننننننننننننان
ما اطول عليكم
المقادير دجاجه مقطعه ارباع ورز مغسول ومنقوع ابو كاس طبعا و3بطاط مقطع حلقات و3باذنجان مقطع حلقات و3حبات طماط مطحونه ومكعب ماجي و4حبات هيل عدل وعودين صغارقرفه ووبصلتين وسط مقطعه جوانح وزيت وبهارات وملعقتين معجون طماطم وملح واجي وحبه ليم مجفف0
الحين عاد نروح لطريقه
اول شي نسلق الدجاجه مع شوي كمون واجي وفي ه الوقت نقلي البطاط والباذنجان ونحطه على ورق نشاف ونروح لرز ونصفيه ونحطه ع النار مع قرن فلفل وحبه ليم وشوي زيت وملح ومويه ونسلقه ثلاثة ارباع السلقه تكون بكذا الدجاجه استوت نشيلها على جنب ونترك المرقه لاننا بنحتاجها ونجيب القدر ونحطه ع النار ونحط زيت والبطل ونحركه الين يذبل وبعدها ننزل الدجاجه عليه ونقلبهاونضيف القرفه والهيل الين تطلع ريحتها نضيف بعدها الماجي والبهارات والملح بس لا تكثرون ونضيف الطماطم المطحون والمعجون ونحرك ونجيب مقدار كوبين من مرق الدجاج ونضيفه ع الدجاج ونتركه يتسبك لمدة خمس دقايق ووبعدها نصف الباذنجان عليه وفوقه البطاط وبعده الرز ونغطيه لمدمن10 ال15 دقيقه ويكون جاهز بعدها خلي الاكله ترتاح ع النار لمدة5 دقايق وقدميها وبالعافيه على قلوبكم والمعذره ما اعرف انزل صور والا كان نزلت لكم لانكم تستاهلون لاتنسوني من ردودكم الحلوه ياحلوين والله يعينكم بعدها ع المواعين:angry:بس مو مشكله كله يهون لعيون ابو الشباب:arb:
البوسه @albosh
عضوة جديدة
يلزم عليك تسجيل الدخول أولًا لكتابة تعليق.
الشيف سارونة
•
ماشاء الله رووعة
الصفحة الأخيرة