>> بسم الله الرحمن الرحيم <<
السلام عليكم حبيباتي وكيف الحال خواتي الله يسعدكم يارب ...
اليوم جبت لكم صور لترتيبي في دواليب المطبخ وطبعا انا دولابي كبير فكل مره راح ارسل لكم طريقتي في تنضيف كم دولاب ...
الصراحه بعد ماشفت التشجيع منكم في موضوعي الأول تحمست وقلت اراويكم كل شغلي ...
وهذ هو الموضوع والي تشققت عليه الشعار ههههههههههه
http://forum.hawaaworld.com/showthread.php?t=2968426
بس دخيلكم بنات تذكروا الله وتقولو ماشاء الله تبارك الله لاحول ولاقوة الا بالله ...
لأنه انا احب الترتيب والنظافه ووالله مو كلها صحه بس هذا طبعي فأدعولي ربي يشفيني من الآمي وتعبي ...
يالله اببدالكم في الدولاب الكبير ...
طبعا انا اخذتلي كروانه كبيره وحطيت فيها مويه دااااافيه وكلوركس وعندي من فلاين ابو الشباب قديمه ...
ابكلمكم بالعاميه احسن وياويل الي تضحك على كلمة كروانه تريني اشوفك ههههههههههه
واغرقها بالماء والكلوركس بعدها اعصرها وامسح في ذا الواليب وبعدين اغسلها تحت المويه وارجع اغرقها واعصرها وامسح وعلى هالموال ...
وترو الفلاين حقت الرياجيل مافي احسن منها انا دايما احتفظ بالتالفه للتنضيف لأنه عليها مسح مو طبيعي ...
بس لاتروحين تاخذينها وهي جديده بعدين يدعون عليه ازواجكم خليها لييييين يخلص ضمانها ثم استخدميها ههههههه ...
بسم الله نبدا والصور تحكيلكم احسن مني ...
هذا الدولاب بعد مافضيته ومسحته ...
وهذي الأغراض كنت مطلعتها برا وقلبي كان يدق لاينكسر شي ...
وهذا الدولاب بعد الترتيب ...
طبعا طقم فناجيل الشاهي كنت حاطته ومرتبته في الأدراج السحابه بس حسيتها ثقيله عليها فقلت احطها بالدولاب الكبير احسن واجمل لين اشتري طقم سفره من الميلامين لأنه الي عندي قزاز ...
طبعا هالدولاب خليت اخوي يصوره خفت لايبان انعكاس صورتي بالصحون >>>> ذكيه + خواااافه ههههه
وهذي كم صوره له ...
طبعا يابنات انا فرشته هو ماكان مفرش ...
وهذا الدولاب من بعيد ...
الدرج الأول الصواني الكبيره
الدرج الثاني طقم السفره من القزاز جاني هديه من بنت عمي وزوجها ولد عمي بعد هههههه بعد زواجنا انا وولد عمي معقده المسأله ادري ...
الدرج الثالث صحون وطقم فنجيل القهوه والشاي وتوابعها ...
هذا دولاب الحافضات البلاستك والمصافي والكروانات وبعض الأشياء ...
طلعت كل مافيه ورتبته وراح تلاحضون كراتين اثنين كبار واحد فوق وواحد تحت >>>
الي فوق حاطه فيه الحافضات الصغيره عشان ماتتنثر في الدولاب وتكون مرتبه ...
والي تحت حاطه فيها صحون دائريه والمستطيله وطبعا هذي الكراتين راح تكون بشكل مؤقت لين اشتري سلات طويله
وارتبها فيها اجمل واحلا وهذي الفكره من راسي هديه لكم ...
طبعا هذي مو بس الحافضات انا حافضاتي كثيره وموزعتها في كل مكان مليانه اغراض اموت فيها كلما نزلت السوق ماشتري الا هي ههههههه ...
والدواليب الثانيه اكملها لكم في الجزء الثاني لأني تعبت ههههههههههههه ....
ويارب موضوعي يعجبكم وانتضروني في الأجزاء الثانيه مع اسيرة الذكرى ... صار مسلسل مو موضوع ههههههههههه ...
ادعولي بنات والله محتاجه دعاكم انه ربي يشفيني ويسخرلي زوجي وبنتي واهلي يارب ولكم المثل وانا ماعمري خليتكم من دعائي ...
في امان الله والى لقاء جديـــــد بأذن الله >>>>>>>>>>>>
يعطيك الف الف الف عافيه على هالترتيب اللي يفتح النفس
والله يقويك وتكملين باقي الدواليب