Analysis Services
  • «
  • 1
  • 2
  • >
  • »
يابنات السوق ارتفع على انه وقت الاغلاق صك على نسب نازله

المهم .. فيه اشاعات من المرجفين يقولون الكهرباء ارتفعت اطلعوا

لا تطلعووووون هذي كلها تخويف

احتمال اسهم الخشاش للي توهقوا فيها راح ترتفع

واكبر دليل الجماعي اللي من العام ما ارتفع عن 35- 42
امس كان 44,5
واليوم وصل للخمسين


فيه لعبه من الهوامير والله يطلعنا من ايدينهم ..

وهي الاعلانات المدفوعه الثمن في الجرايد .. انتبهوا يابنات قالوا انه فيه تواطئ من هيئه المال معاهم
ولا تستبعدونها


اعلنت جريده الرياض اليوم ان هيئه المال راح تدرس زياده رأس المال لبعض الشركات

لاتصدقووووووووووووووووووووووووووووووووووونهم

تبي الناس تلتفت مره ثانيه على اسهم الخشاش وتشتريها عشان تطيحها لتحت اكثر ماهي طايحه


اللي شاري من الخشاش ومتوهق فيها .. يمكن هذا الاعلان راح يرفع النسبه وراح نفتك من الخشاش ونتخلص منه للأبد


بس اللي ماشترى من الخشاش الحذر ثم الحذر من شرائه

لان الامر فيه خدعه مع جريده الرياض ......... وهوامير باشا

هم يصرفون الناس للخشاش عشان عارفين ان بعض الاسهم راح ترتفع
مثل الاسهم البتروصناعيه اللي طلعت للعلالي


واركدو اركدو
23-02-1426 هـ, 07:01 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هيئة سوق المال ماتعودنا منها هالشفافيه الكبيره بالاعلانات ومتابعه الشركات
بالتالي انا معك ان الحذر واجب بس هذا مايعني اننا ندير بال للاشاعات اللي كاثره مره هالايام بخصوص زيادات راس المال والمنح والمشاريع الجديده الخ
الخشاش لها طعمها بالمضاربه السريعه او على قولتهم كل فطير وطير
اما الشركات الصناعية الكبيره ففي ضغط واضح ومحاولات لانزالها وشفط اسهمها
الذكي اللي يقدر ياخذها باقل الاسعار بس بركاده لان يمكن الضغط يستمر كم يوم لحد ماتقرب احقية سافكو
23-02-1426 هـ, 07:59 مساءً
 
الله يجزاكم الف خير

والله لايخسر مسلم ان شاءالله
23-02-1426 هـ, 08:54 مساءً
 
بالعكس يا طموحه الملاحظ بالسوق حاليا هو اسهم الخشاش مكانك سر
ماتحركت الا اليوم فقط
عقب نزله الخميس اللي كتبتي عنها بالموضوع ان الهوامير ضحوا 18 مليون

الخشاش ان ارتفعت حاليا فثقي ثقه تامه هو بسبب اعلانات هيئه المال



قبل شهور اعلنت هيئه المال انها راح تزيد راس المال لصدق وفتيحي والمكيرش والكابلات والجماعي

وطارت الناس وشرتها بسعر عالي ... اعلى من سعرها الحالي 10-15 نقطه

كل هذا عشان الهوامير يحولون انظار المساهمين للخشاش

ويشفطون قد مايقدرون باسهم البتروصناعيات
لانهم عندهم علم انها راح تقب وترتفع للعلالي
وهذا اللي صار

واكبر دليل سابك

لا ليه سابك .... المصافي اللي تدخلت الهيئه ووقفت نموها


يمكن السوق مو من صالح المضاربين حاليا
والله يفك ازمه المتعلقين
لان في آمل كبيره انها المتعلقين راح يرتاحون اخيرا



ام يوسف
اميييييييييييييييييييييييييين
ويخلي بقلوب هالهوامير خوف من الله على هالصغار اللي راهن بيته ولا اللي داخل قروض ولا اللي مستدين
على قلوبهم ملايين وخايفين احد ياخذ منهم الملاميم
23-02-1426 هـ, 09:27 مساءً
 
اسهم الخشاش العام الماضي ماربحنا غير منها (ياحبي لها)
بعدين بظنك الهوامير مادخلو اليوم بالسيارات والتعمير وتهامة؟؟ غلطااانه الهوامير اليوم حلو ريقهم بالخشاش واخر نص ساعه كان الرش على مستوى!!
اختي انا ضد تجميد المحفظه والانتظار الطويل خلونا نطلع معهم وندخل معهم
ونرجع نقول اكبر غبي هالوقت من نام وبمحفظته خشاش... صرفي اول باول واجني ارباحك وترتاحين.... انامعك انها محاوله قذره لانزل الشركات الصناعيه الكبيره لكن مايعني هذا اننا نتفرج ونخاف من الخدمات والزراعات لان بعضها اقتربت اسعارها من مستوى الدعم من كثر ماهي راكده فصار الدخول فيها مافي مخاطره كبيره


بالتوفيق اختي
23-02-1426 هـ, 09:43 مساءً
 


الساعة الآن 08:55 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏