...الـــســـلام علـيـكم ورحـمـة الله وبركــاته...
كيف الحال ان شااء الله بخير؟؟؟
حبيباتي بنوتات عالمي حـــــــواء موضوعي اليوم ودي اخصصه للنصايح المطبخيه اتمنى الكل يعطينا فكره حلوه تسهل علينا الطبخ
وعندي لكم هذي الافكـــار البسيطه اللي اتمنى تعجبكم ...!!!
(1)... اذا اشتريتي البطاطس المجمده لا تقلينها ماعليك الا انك تطلعيها من الفريزر وترصينها بصينيه وتدخلينها الفرن من فوق بسس بدون اي زيت وتنتظرينها لما تتحمر مع التقليب راح يطلع طعمها مثل المقلي بالضبط وتكوني ارتحتي من اضرار القلي الصحيه وكمان ممكن ترشي عليها لما تطلع ملح وبابريكاااا..
(2)...اذا اشتريتي الهمبرجر المجمد كمان لا تقليه ماعليك الا تحطيه بصينيه (والافضل تغلفي الصينيه بقصدير )<<اسهل في التنظيفوتدخليه الفرن من فوق بس لحد مايتحمر الوجه الاول وتقلبيه ماراح ياخذ منك 10 دقايق وبدون اي زيت...او ممكن تشوحيه في صاج البان كيك بدون زيت وراح يستوي بدقايق...
(3)...اذا اشتريتي خضار مثل الكوسا والجزر والفلفل الرومي وماكنتي راح تستخدميها لفتره ممكن تقطعيها مكعبات وتفرزنينها باكياس بلاستيك وتطلعيها وقت الاستخدام انا احيانا يزيد عندي البقدونس والكزبره اقطعها وافرزنها لكن استخدمها للطبخ مو للسلطات طبعآآآ ...
(4)... لمحبي المكرونه<< اذا سويتي بــــاســـتـــااا وتحبي طعمها يطلع روعه عند التقديم رشي عليها زيت زيتون راح يطلع طعمها مختلف ...وجربي تدخلين لمطبخك الاعشاب الايطاليه وكريمه الخفق وجبنه البارميزان وجبنه جاك كلها اضافات روعه راح تخلي لك المكرونه عجيبه كأنها شغل مطعم..
(5)...اذا بيجوك ضيوف وحابه تجربي عصير بشكل انيق سوي جلي بنكهه غير نوع العصير مثلا جلي فراوله وحطي في كعب كل كوب تقديم كميه من الجلوو وخليها تجمد ولما يجوك الضيوف ماعليك الا تصبي العصير البارد مثلا برتقال او ليمون ع الجلو وتقدميه طريقه سهله وحلوه كنوع من التغيير..
(6)...خلي اطفالك يحبون السلطات من خلال استخدامك وتجريبك لصوص السلطات المختلفه مثلا: رانش صوص او متبل رانش عباره عن(لبن مع ثوم وبقدونس مجفف ومسحوق بصل وليمون) لونه ابيض..وكمان الصلصه الفرنسيه وهي عباره عن(بودره ثوم وبصل وخردل وفلفل حلو وشراب ذره) لونه برتقالي بيعطيك طعم رائع للسلطات...
(7)...للحصول على اروع طعم للحوم المتبله خليها تتنقع في التتبيله لمده لاتقل عن ساعه جربي الخردل والباربكيو صوص و الورشيستر صوص والصويا صوص والزبادي والليمون بالنسبه لي هي الاروع...
آآآســفــه ع الاطاله لكن هذي الاشياء انا استفدت منها كثير في مطبخي وسار لي نكهه مميزه في الطبخ وحبيت افيدكم مثل ماتفيدوني دائـــمـــآآآ اتمنى تفاعلكم ومشاركاتكم وتقديمكم للنصائح لي ولكم ...ششــكــرآآآآ لــــــــــــــــكــم
20-04-1432 هـ, 05:57 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسعد ايامك افكار حلوه
20-04-1432 هـ, 06:13 مساءً
 
فيكي الخير اختي شكرا لك
20-04-1432 هـ, 06:28 مساءً
 
الله يجزاكي خير
20-04-1432 هـ, 06:35 مساءً
 
اذا بيجوك ضيوف وحابه تجربي عصيربشكل انيق سوي جلي بنكهه غير نوع العصير مثلا جلي فراوله وحطي في كعب كل كوب تقديم كميه من الجلوو وخليها تجمد ولما يجوك الضيوف ماعليك الا تصبي العصير البارد مثلا برتقال او ليمون ع الجلو وتقدميه طريقه سهله وحلوه كنوع من التغيير..
عجبتني هذي الفكره الله يعطيك العافيه يااااقمرررر
20-04-1432 هـ, 06:43 مساءً
 


الساعة الآن 08:32 .