مرحبا بالغاليات
كيف الاحوال ؟؟ يارب تكونوا بأحسن حال

خواتي ياليت كل وحده تذكر لنا تشكيلها وعملها للفطاير ..

لاننا ملينا من الطرق العاديه .0.

وانا راح اذكر لكم طريقه عملتها واعجبتني وهي انك تفردين العجينه وتقصينها او تقطعينها الى مستطيلات
بعدين تحشينها لحم وبعد كذا تطوينها مثل السويس رول وبتكون على شكل اصبع . وعادي لاتهتمين بالشكل وتقولين هذي طلعت طويله وهذي مدري وش فيها ... لانك اخر شي راح تقصين الاطراف بالسكين بالحجم اللي تبين ...
والله مريحه وماتتعب ولا تبي تدقيق ...


وانتم اكيد عندكم طرق احلى ... يالله عاد لاتبخلوا علينا ..
اخر شي ادهنها بالبيض وارشها بالسمسم واخبزها ..
25-02-1426 هـ, 01:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شكرا يالغالية
وأنا صرت أسوي طريقة الأخت العفة الله يجزاها خير
تفردين العجينة مستطيل كبير وتحشينها اللي تبين
بعدين لفي زي السويسرول من الجهه الأولى وقفي عند النص ثم روحي للجهه الثانية ولفي اللين يلتقون مع بعض ودخليها الفرن واذا استوت قطعيها شرائح يصير شكلها حلو دويرتين جنب بعض ..
25-02-1426 هـ, 01:42 صباحاً
 
وانا اعمل الجبنة نفس طريقة لف السوسرول
او كرات
والسبانج مثلثات
والدجاج على شكل بقج مربوطة (يعني اعمل على شكل حبل ثم الفه على بعضه وهاذي اخذتها من موقع اجنبي)
وكان كرات وكل 3 كرات مع بعض في قوالب الكب كيك تطلع حلوووووووووووة
على شكل قطايف
ظفيرة وارشها بالسماق
25-02-1426 هـ, 07:26 صباحاً
 
أنا لقيت الراحة والسرعة أفرد العجينة في صينية مستطيلة ثم أضع زعتر أو حشوة بيتزا

أولبنة بالعسل أو لبنة بالزعتر أو سبانخ أو جبن بالبيض بعدين أقطعها مربعات وأوزعهامشكلة في صحن التقديم مريحة بالمرة

وارتحت كثير وماتاخذ وقت

الأخت نرجس ممكن توضحين طريقتك بالصور لأنها أعجبتني ؟؟؟؟؟؟؟؟؟؟؟؟؟
25-02-1426 هـ, 07:52 صباحاً
 
أنا خذت الطريقه من بيت أهلي... لما أفرد العجينه - يعني قطعه صغيره قد الحبه - وأحشيها مثل ماأريد ألفها مثل السويس رول للنص وبعدين الطرف الباقي أشقه شقين أو ثلاث بالسكين وأكمل لف يطلع شكلهن روعه..
25-02-1426 هـ, 11:23 صباحاً
 


الساعة الآن 07:37 .