السلام عليكم خواتى الله يجزاكم خير والله انى دعيتلكم كلكم وفرحت لما قريت الردود البارح كنت مع معزومة مع ابو الشباب ولما رجعت دخلت النت بسرعه وقريت الردود بسرعه طبعا وش احكى وشقول عن اللى شفته بالعزيمة اه يا قلبى اروح انتحر احسن المهم قلت ابصير حرمة جيدة واتذكر كل شى قلتوه لى وابدا بهمة اصلح الغداء واقول يالله والله ثم والله انى جالسة اقول يارب اصير طباخه وطبختى تطلع حلوة واليوم طبخت كبسة لحم ولما حطيت الملعقة فى وسط ماى الرز طاحت ولا عرفت ويش اسوى جلست احاول اتذكر ايش يعنى ان طاحت الملعقة وحاولت اقدر الموية ب2 سنتمر فوق الرز وقلت يالله وعليت النار وبعد ما فاحت الموية خففت النار مره طيب وبعدها حطيت ملعقة صغيرة زيت مثل ما قالوا البنات وشفت الرزات كانهم صار مبين انهم رز بس طلع فيه احتراق اسفل القدر بس لما غرفت الاكل خليت المحروق تحت ولا درا ابو الشباب بشى بس والله انى تحطمت نفسيا قلت ياربى وشو ذا خواتى وكل بنات عيلتنا يعرفون الطبخ الا انا والله انى احاول اطبخ عدل والمشكلة ان ابو الشباب يحب الرز مووووووووت عشان كذا انا ابغى اتعلمه وترى انا مانى جديدة وعروس بس صدق انى رفلة ابو الشباب جايب خيشة رز اسمه اندياجيت علمونى كيف اتعامل معه والله انى كرهت المطبخ واحس بالفشلة من اروح عزيمة لانى احس ان ابونا بيقعد يقارن حتى لو ما تكلم وانا احس انى اكسف زوجى ما يقدر يعزم والسبة انا
اسمعي ياحبيبت قلبي اناكنت افشل منك واتحداك اذاكنت زيي انادمرت مطبخي يوم تزوجت قدورمن الحريق رميتها وصواني بايركس تكسرت من الحراره ومره بغيت احرق البيت كله رحت اصلي في المسجدللتراويح وخليت الصنيه في الفرن وتعالي شوفي الدخان وصل الى اخر الحاره والحمدلله الحين والله الكل ياسالني عن طبخاتي وحلوياتي وكبساتي اللهم لك الحمد
اول شي اذاجيتي تطبقين طبخه لازم تلتزمين بالمقاديرولاتخترعين من راسك لانك باقي مبتدئه ومتعلمه وخذي نصيحة مجربه ثانياجيبي طقم الملاعق حق المقادير وطقم اكواب الي ملعقه نصف ملعقه وامشي خطوه خطوه ثالثاالإبداعات جربيهافي اهلك يعني اذارحت انت الي تطبخين وكل طبق جديد جربيه فيهم لانهم ارحم منوالي يضبط معاك سويهالزوجك ورابعاادخلي المطبخ دائماواطبخي باستمرارالين تتمرسين والله هذي عن تجربه خامساسجلي الملاحظات والاخطاءفي ورقه عشان تصححينها المره الجايه
اماعن الرزانااكثرانسانه تعبت معاه الين وصلت الى حل وهوتغسلينه قبل ماتطبخينه بنصف ساعه طبعاتغسلينه بماءباردوبعدالغسل الجيد تخلينه ينقع الين يصيرابيض تغسلينه قبل النقع عشان مايتكسريعني اول شي الغسل بعدين النقع اذاطبختيه اظيفي له فلفل اخضرحارلانه ينفش الرز ويخليه خفيف خلي ارتفاع الماءفوق الرز2سم وخلي النارعليه عاليه الين يتشرب الماء وتصير الحبه اذامسكتيهاباظفرك تنقسم حطي ملعقه زيت زيتون واضغطي عليه الضغط وخليه على نارهاديه جداجدالمده 10دقائق ان شاء الله تستفدين من كلامي واي خدمه راسليني على الخاص اتمنى اشوفك في فتافيت ههههههههههههه
اسهل طريه للرز اذا كنت مستعجله وتنفع معك
قطعي الدجاجه ونضفيها
وحطيها في القدر الضفط اذا عندك وحطي على طول المويه وحطي في الخلاط حبه طماطه وبصله وفلفل رومي اذا عندك يحلي طعم الكبسه
وحطي حبه ماجي وشوي صلصه او معجون طماط هذي كلها في الخلاط اخلطيها وحطيها على المويه اللي تطبخ في القدر وحطي عليها اربع حبات مسمار(عويدي)_3حبات هيل واذا ماعندك حب ينفع المطحون حطي راس الملعقه
وبهار مشكل حطي ملعقه صغيره
وملعقه صغيره ملح وانت شوفي اذا يبي زياده
خليها تطبخ لحد ماتستوي الدجاجه
وحطي الرز وملعقه زيت وحبات الفلفل الاخضر بدون قطع

اذا الرز يتعجن معك وانتي تنقعينه هذا دليل ان الرز مايتحمل النقع اغسليه بمويه دافيه وحطيه
او ان المويه حقت المرق كثير شيلي منها حطي الملعقه اذا طاحت شيلي من المرقندك است
واذا وقفت الملعقه مضبوط على على النار اذا بدا يغلي قصري على النار مره
وسلامتك
واذا حابه اعلمك طبخات سهله ارسلي لي على الخاص وانا في الخدمه


والله ذكرتيني بنفسي صحيح اني مو متزوجه بس عن قريب ان شاء الله...
انا كنت اكره شي عندي المطبخ وما دخلته الا قبل 5 شهور بالضبط لما امي تعبت وترقدت بالمستشفى الله يشفيها..
المهــــــــــــــــــــــم..
ترى احسن رز للمبتدئات بطبخ الرز هو ابو كأس لانك اذا زادت المويه مايصير له شي
وأهم شي الثقه..
وبس
الحلا كلــــه1 = الحلا كله2012


الساعة الآن 10:33 .