السلام عليكم ورحمة الله وبركاته..
اخباركم ياحوائيات ان شالله بخير وصحه وسلامه...
بنات انا كثير مااصلح البف وما يضبط معي ابدا ابدا..
حتى بصعوبه اقدر اشكلها وانا استخدم القطاعه اللي على شكل مثلثات ومايضبط..
وغير كذا طعمه مااااش
مهوب ذاك الزود... ويقوطر من الزيوت ..احس العجينه تتشرب الزيت بسرعه..مع اني اقلب ابسرعه..
تكفووووووووووووووون اللي عندها طريقة عجينه تضبط وهي مجربتها تعطيني اياها...
وبعد لو تعطوني معها حشوات تسوون فييني خييير...عارفه اني اتشرط بس وش اسوي مالي الا الله ثم انتم ماعندي احد يساعدني غيركم.
واللي ترد علي الله يجزاها خير ويوسع لها بالدنيا والاخره...
ويرزقها ماتمنت
وييسر لها امورها فيها ويرزقها من حيث لا تحتسب
24-04-1432 هـ, 07:11 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هذه عجينتي المعتمده عندي وكلن ياخذ طريقتها
5كاسات دقيق ابيض ونص كاس دقيق اسمر
بيضتين
نص كاس زيت
كوب ماء وربع
رشه ملح وذرة سكر
اعجينها وكوريها وخليها تقريبا نص ساعه واذا فردتيها حاولي ماتكزن سميكه ولا رقيقه مره وسط
الحشوه
لحم مفروم احمسه لين يزين واحط معه مكب ماجي ولما تذوب احط البصل واحرك لين يذب واحط الملح والبهارات واحركه واطفي النار واحط كزبره فقط
جربيها وقولي لي ايش النتيجه امانه
24-04-1432 هـ, 07:47 مساءً
 
كاس طحين ابيض

كاس طحين اسمر

فنجان الشاي زيت

ملعقة كبيرة كسترد

كاس ماء

رشة ملح
تعجن وتترك ترتاح اقل شي نص ساعة

افرديها وسط بس ما تكون ثقيلة ولما تصفينها قبل القلي

حطي كيس بلاستيك على الصحن عشان ما تلصق

واثناء القلي خلي الزيت في البداية حامي وبعدين قصري شوي

ولا تقلين كميات كثيرة مع بعض .

وكل ما حطيتي حبه غرفي من الزيت الموجود في المقلى وصبيه فوق البف

وان شاء الله يضبط

ترى انا كنت فاشلة جدا في البف على الرغم من محاولاتي بس استفدت كثير من عالم حواء

ومن زميلاتي الله يجزي الجميع خير

والحين قاعدة اهايط بالبف حقي وصار مطلوب مني
24-04-1432 هـ, 07:58 مساءً
 
اختي جنان الحنونه
الله يجزاك خير ويرزقك ماتمنيتي,,,
وان شالله راح اجربها واقولك...
وهذي دعوه من القلب لك...< "اللهم إني أسألك يا الله بأنك الواحد الأحد، الصمد الذي لم يلد ولم يولد، ولم يكن له كفواً أحد، أن تغفر لها ذنوبها وتيسر لها امورها إنك أنت الغفور الرحيم>
24-04-1432 هـ, 07:58 مساءً
 
نور بيتهم,,
الله يوفقك اختي دنيا واخره..
< اللهم ياحي ياقيوم ياذا الجلال والاكرام افتح لها من ابواب رحمتك و افتح لها ابواب مغفرتك ويسر لها امرها دنيا واخره.. آمين
24-04-1432 هـ, 08:06 مساءً
 


الساعة الآن 05:10 .