Analysis Services
السلام عليكم

بنات الرياض والقصيم اللي تبي شي من المغرب تتفضل وتطلب ..

الوالد رح يسافر بعد كم يوم واذا تبون شي تفضلو

وللامانه يابنات افضل شي جابه الوالد من المغرب الطواجن المغربيه للحم والدجاج

وهي طواجن توضع على النار مباشره بدون ماء وتعمل عمل القدر الكاتم لكن بنكهه مميزه جدا
وهذي الطواجن عليها طلب خيالي ومستحيل احد يشوفها الا ويطلب منها ..

العكر الفاسي .. بصراحه طيروه البنات باالسماء وحرصنا على الوالد يبحث عن الاصلي وفعلا احضر لنا مقدار فنجال قهوه بقيمة الف ريال وبصراحه انه شي سخيف جدا
صبغه حمرا مثل الفيمتو ولايمكن ان تدوم اكثر من يوم مع الوضوء
وعلى الشفاه قبيحه جدا كانك شاربه ميرندا فراوله

بصراحه الله يسامح الاخوات اللي طيروه باالسما بدون ذكر سلبياته

الصابون المغربي رائع جدا جدا ويختلف عن الصابون الموجود عندنا فاالسوق
مع الليف بصراحه مررررررررره روووووووعه وتحسين بجودته من اول استعمال ..

عموما اي شي تبونه لاتتردون خواتي .. خلونا نفيدكم ونستفيد ..
واللي بتشرفني باالبيت تشوف الطواجن والصابون والعكر تتفضل على الرحب والسعه ..
26-02-1426 هـ, 01:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ممكن أسئلك يا قلبي كم سعر الطاجن
26-02-1426 هـ, 02:09 صباحاً
 
طيب كم الاسعار تتراوح وايش الاشياء الغريبة الي متوفرة هناك
26-02-1426 هـ, 06:51 مساءً
 
اقتباس مشاركة  (انسه سكر)
طيب كم الاسعار تتراوح وايش الاشياء الغريبة الي متوفرة هناك
27-02-1426 هـ, 02:14 صباحاً
 
اهلين ياخواتي ..

والله ماعندهم اشياء غريبه الا الطاجن المغربي بصراحه عليه نقوش جميله جدا وطعم الاكل فيه خياااااااااال واقسم باالله العلي العظيم الله يحرمني ضناي ان كنت كذبت عليكم ان فيه بعض الحريم اللي شافوه عندي طلبو يشترونه مني ب500 ريال لكن رفضت لان ماعندي الاطاجن واحد ..

وسعره يتراوح من 250 الى 350 حسب الحجم

من طاجن يتسع لدجاجتين الى طاجن يتسع الى 6 دجاج

والصابون مرررررررررره حلو ويختلف مره عن الصابون المغربي الموجود باسواقنا
يقشر الجلد تقشير ويشيل السواد وريحته ولا اروع
العلبه بـ25 مع الليفه الاصليه

وفيه جلابيات افراح مررررررره حلو لكن بصراحه ياخواتي انا احب لاختي المسلمه مثل مااحب لنفسي انا اشوف ان اسعارها غاليه جدا لانها بحدود الالف ريال

والعكر الفاسي ايضا اقدر امدحه لكم لكن ماابي احد بذمتي شي اتحاسب عليه يوم الدين والله مايسوى ولا 5 ريال ..

واذا بخاطركم اي شي اقدر اجيبه انتم تامرون ..
27-02-1426 هـ, 02:52 صباحاً
 


الساعة الآن 06:14 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏