الله يسلمكم ياصبايا
الماما مسافره وانا هاليومين شايله البيت فوق راسي والله يااني كرهت الزواج صج صج مسؤوليه بالرغم ان ابوي شحليله مو من اللي يدققون بس مشكلتي امي الله يطولي بعمرها كان شغلها على التكه ومضبوط ومدلعه ابوي الله يخليه لنا والحين انا اللي توهقت لاني ماودي اقصر ويحس اني مهمله وانه دج من عقب امي الله يردها بالسلامه وبيجلس يقارن صحيح مهما عملت ماراح اصير مثل شغل امي لكن عاد الشكوى لله
المهم الخضار اللي يجيبها مااحد يااكلها لان البيت مافيه احد ومن ساع اطالع فيها كثير وحرام كل اسبوع تنرمي المهم قلت شكلي بكره بسويله محشي بطاطس وكوسه وبخليه ياخذه وياه فطور للعمل ويكشخ قدام ربعه ومنها من باب البر له
المشكله انا مااكل الكوسه فكيف اعرف انها مستويه وملحتها زينه اللي تتقنها ياليت ماتبخل علي وتعلمني لاني راح اصلحها قبل الفجر
المشكله الثانيه احس اني خايفه اخاف ماتطلع حلوه انا تراني مو مره اطبخ يعني نادرا اذا دشيت المطبخ بس هاليومين عشان خاطر ابوي والا بالبدايه كان ناوي على المطعمبس قلتله لا انا بطبخ وللحين الحمد لله الوضع ماشي تمام وابشركم ضبط وياي الرز الاحمر بالعاده رز ابيض ويخب ماشاء الله طلع شكله مرتب ويفتح النفس ماتدرون شكثر فرحت انا عقدتي الطبخ والمطبخ اكرهم بشكل وماادش المطبخ الا اذا كنت رايقه ومروقه
المهم يابنات تنصحوني اسويها والا اخاف اجيب العيد ومايستوي وخصوصا انها اول مره اصلحها بالعاده امي لبى قليبها هي اللي تطبخها
واللي عندهاطريقه سهله ومضمونه وطعمه تخبرني واذا صلحتها مابخبر ابوي الا اذا زانت عشان اذا خربت ماانفضح ولا يدري ويادار مادخلك شر
26-04-1432 هـ, 06:48 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله رحمتك بس ردي جاااء متاخر بس الشغله الي مالك فيهاا اتركيهاا صعبها تجربين في اصحاب ابوك ممكن لو لكي انتي لالا سوي شي انتي شاطرة في ايداماات مثلا سوي كميه منهاا وخليهاا في الثلاجه واعطي جيرانكم لان دايم الخضار تنرمي لانها تخيس بسرعه فاصرت اوزعهاااا على الجيران سواء مطبوخه اونيه والله يجزاك خير
26-04-1432 هـ, 08:00 صباحاً
 
اقتباس مشاركة  (ابتسم وداخلي هموم)
والله رحمتك بس ردي جاااء متاخر بس الشغله الي مالك فيهاا اتركيهاا صعبها تجربين في اصحاب ابوك ممكن لو لكي انتي لالا سوي شي انتي شاطرة في ايداماات مثلا سوي كميه منهاا وخليهاا في الثلاجه واعطي جيرانكم لان دايم الخضار تنرمي لانها تخيس بسرعه فاصرت اوزعهاااا على الجيران سواء مطبوخه اونيه والله يجزاك خير


يالبى قلبك تسلمين
انزين انا لما قريتها احس طريقتها سهله بس اكيد التطبيق النظري غير العملي

انزين بسئلكم انتم لما تصلحونها تحسون انها سهله والاصعبه وغالبا تضبط والا من الطبخات الصعبه ومو اي شخص يصلحها
26-04-1432 هـ, 12:51 مساءً
 
يابعد قلبي والله بانسبه للمحااشي انا ممتازة في الطبخ الاالمحشي لما اسويه يقولولي الي مايعرف الصقر يشويه اختي فديتهاا ممتااازة في هو اهم شي الحشووه لاتطيح وثقلي المرررقه وحطي وحده فلفل رومي يعطي طعم خيال والله يسعدك ويكون بعونك وترجع امك بسلامه
26-04-1432 هـ, 01:47 مساءً
 
اهلين ياغاليه الله يخلي لك امك ويحفظ لك ابوك

انت قادره انك تسوين كل شي وتطبخين وتبدعين .. توكلي على الله بس

انا اعشق المحاشي عشان كذا تعلمت اسويها
هي سهله وصح اي شي مع الخبره يصير ازين

على حسب الكميه اللي بتسوين نقعي رز مصري ..
وفي طاوه ثانيه سوي دجاج مفروم او لحم مفروم زي حشوة السنبوسه

بعدين اطبخي الرز نص استوا واخلطيه باللحمه . ورشي فوقه ملعقتين كبار نعناع جاف ومسحوق يعطي طعم مجنون للمحشي

هنا خلصنا الحشوه تأخذ معك ساعه في تحضيرها

تعالي عند الكوسه واغسليها زين ولا تقشرينها ابدي احفريها الى تحت بس انتبهي تشقينها
ولبطاطس ما انصحك تسوينه محشي خليه قوالب البطاطس بعطيك الطريق الحين بس نخلص من الكوسه

بعد ماتكملين حفر الكوسه اغسليها مره ثانيه وابدأي بسم الله بحشوها طبعا لا تحشينها تمام خليها ثلاثه ارباع وسدي الفتحه بقطعه جزر او بطاطس اللي تحبي وهكذا حتى تنهين الكميه

تجين عند القدر اللي بتسوينها فيها قطعي بصل شرايح نحيفه مره وقلبيه مع زيت وبعدي حطي ثوم مفروم وقلبي وبعدها افرمي طماطم 2 كبيره مع معجون طماطم وماجي والبهار اللي تحبين فلفل اسود واذا تحبون الحار فلفل حار او بار وقلبي لين تحين الكشنه تسبكت بعدها اضيفي الكوسه حبه حبه وخلي اللي حجمها كبير تحت والصغار فوق وهكذا الى ان تنتهي بعدين اضيفي الماء الحار بس راعي انه ما يكون كثير واضيفي ملعقه دبس رمان وغطي القدر العادي طبعا بعد ما يغلي احسبي له نص ساعه بس تكون النار هاااااااااديه مررره واذا حسيتي ان الماء قل والكوسه لسه ما استوت زيدي شوي ماء وانتبهي للملح وخليها ربع ساعه او حتى ينضج .. وبس ..


قوارب البطاطس تقشرين البطاطس وتقسمينه بالنص وتحفرين كل قسم وتصير زي القارب بعدين اقليه بس لا تخلينه يستوي مره
بعدها احشيه دجاج او لحم مثل حشوة السنبوسه وسوي بشاميل او مايونيز وقشطه وجبنه اخلطيها وغطي القوارب بها
ورصيها بصينيه ودخليها الفن تستوي وتحمر الطبقه اللي فوق وهني عافيه ..


وممكن تسوين ايدامات وعندك ذا الايدام بتعدمدينه

قطعي الخضار بالشكل اللي تحبين مربعات شرايح واقليه بزيت غزير وحار ونزعيه وصفيه من الزيت
في قالب يفضل يكون تيفال كشني بصل وثوم وقطعي دجاجخ بدون جلد قطع صغيره مع العظم وحطيها ع الكشنه وقلبي بعدين حطي ماجي وصويا اذا تبين وطماطم شرايح وقلبي شوي بعدين رشي بهارات فلفل اسود وكمون وبهارات مشكله وشوي ماء لا تكثرين يعني ربع كاسه بس
واضيفي الخضار اللي قليتيه (( كوسه / بطاطس / باذنجان / فاصوليا )) ورصيهم زين فوق الدجاج غلفي القالب بقصدير وعلى الفرن الكهربائي او العادي نص ساعه او الين يستوي .. طلعيه وشوفي الدجاج استوى وخلاص ..
كليه مع الرز الابيض او الخبز .. وسلطه ويمممممممممي ..


اتمنى اكون افدتك .. دعواتك لي بالزوج الصالح والوظيفه يااارب ...
26-04-1432 هـ, 03:45 مساءً
 


الساعة الآن 07:28 .