هلا خواتي .. انا اطلب مكياج بسيط ويوصلني عن طريق الارامكس عادي .
من بيبطل العلبه وبيدور شو فيها !!!
27-02-1426 هـ, 11:32 صباحاً
 
أختي أنا اللي أعرفه ان البطاقه ما تقدرين تستخدمينها في كل المواقع.. أنا صادفت ها مشكله في الشراء ونصحوني بأرامكس.. بس صديقتي عندها البطاقه وقالت لي ان نفس المشكلة بحصلها في بطاقة ارامكس.. مب كل المواقع تقبل بيانات البطاقه ما ادري ليش!!!!
27-02-1426 هـ, 12:49 مساءً
 
والله الغاليه انا هذا الكلام الي قالولي اياه الارامكس يمكن دعايه بس عشان اخذ عنهم البطاقه الله يعلم بس انا اشوف انها وايد احسن من انج تستعملين الفيزا ما اتعرفين يمكن الي في الرصيد كله يروح احسن هاذي لانج انتي الي تحددين كم اتحطين فيها و علي طاي المكياج انا مره طلبت من الارامكس و يابولي مكياج من امريكا عادي الغاليه يوصلون مب مشكله يمكن بس العطورات
27-02-1426 هـ, 04:22 مساءً
 
قوارير
... تسلمين الغاليه علي المرور ...
بس انا اسأل اذا بطاقتهم اقدر اشتري بها من الموقع اللي ذكرته فوق والا ما تقبل ؟

Swarovski
تسلمين فديتج ... وان شاء الله ينفع

هيـــا
تسلمين الغاليه علي المرور ...

Um 3azooz
تسلمين فديتج علي المعلومه ... وان شاء الله اقدر اشتري عن طريقها ...

انا بتوكل علي الله وباخذها ... وان شاء الله خير
28-02-1426 هـ, 12:16 صباحاً
 
اهلين بنات

بنات انا عندي بطاقتين بطاقة من الارامكس وبطاقه من البنك الي اتعامل معاه
واستخدم الثنتين ....
انتي لما تشترين من اي موقع لازم تدخلين عنوان او بيانات البطاقة الي تتعاملين معاها Billing Address
وبعدين تملين العنوان الي بتوصلين له السلعه الي اشتريتيها
Shipping Adress

بعض المحلات وخاصه الامريكية تلاقينها ترفض اي بطاقة من خارج امريكا واذا بغيتي تعرفين اذا كان هالمحل يتعامل مع بطاقات الشرق الاوسط او لا .. شوفي بيانات البطاقة Billing Address بتلاقين خانه فيها الدوله شوفي هل موجود اسم دولتج
او انه محطوط ستات ويعني ولايه U.S. State اكثر المحلات تخلي هالخانه مجرد اختياار من عدة اسامي للولايات يعني انتي ما تقدرين اصلا تكتبين اي شي فيها
بالتالي اعرفي ان هالمحل ما يتعامل مع بطاقات الشرق الاوسط


وبالنسبة لبطاقة الارامكس تعتبر من بطاقات الشرق الاوسط

جربتها في محل نيو بورت وطلعتها علشان هالمحل لانهم قالولي انها تنفع
انا عندي بريد من الارامكس في امريكا والبيانات الي في البطاقه نفس بيانات بريدي
بس للاسف لما استخدمتها في هالمحل ما مشى الحال

فكان الحل اني عرفت ان الارامكس عندهم خدمه وهالخدمه ان اي محل ما يقبلغير بطاقات امريكا تقدرين تقوليلهم اسم المحل ورقم السلعه وهم يشترونه لج ويوصلوونه





<<<<<<<<<<<<<<<< اووووووووووووووووف مابغيت اخلص من الفلسفه عساني بس افدتكم
28-02-1426 هـ, 07:48 صباحاً
 


الساعة الآن 05:54 .