بسم الله الرحمن الرحيم
مساء الخير
وش اخباركم مع الاسواق طبعاً بعد الزيادة في الرواتب صارت زيادة في اسعار الملابس :o
و شفت الحراميه وشفت قد ايش حنا شعب مغفل :06:
ماتجي قرشين في ايدينا الا ورحنا وكبيناها بهالاسواق :22:
كأن السوق بيطير والا الملابس بتنحاش
بقولكم قصتي
طبعاً بعد الزيادة انتشر بي سي من واحد سعودي يشتغل في مجموعة الحكير اللي هي الوكيل لاغلب الماركات زي زارا وبيرشكا واخوانهم :p
وكان يقول انه بعد الزيادة جاء امر من الشركه برفع الاسعار بنسبة 20%
انا نشرته بس يعني قلت يمديهم وكنت قبل ماتنزل الرواتب والزيادة رايحه للسوق ودخلت مانجو واعجبتني بلوزه ومااعجبتني قولبتها يمين يسار قلت اشتريها مااشتريها وبالاخير قلت خلها مااحتاجها وكان سعرها بحدودال 170
او 150 مااذكر بالضبط ورجعت البيت وتحسفت اني ماشريتها :22: وبعد مانزلت الرواتب اقصد الزيادات رحت للسوق يوم الجمعه ورحت بشتريها بس الفاجعه صار سعرها ب250 :eek: وسوست قلت يمكن غلطانه ولخذتها وقمت افتر بالمحل الا اشوف اثنين قاعدين يتكلمون شكله مدير المحل وواحد جاي من الشركه كذا فهمت من كلامه ورحت قربت منهم ماكنت ابيهم كنت بشوف البرومو اللي جنبهم الا هو قاعد يشرح لع يقول بنصف الفساطين هيك وبدنا نحط كم اطعه معهن قال الثاني والاسعار قال ماوصلنا شي قال لا انا وصلني ايميل مشان يتم رفع الاسعار في كل الفروع :o وانا اخذ البلوزه وارجعها مكانه واطلع من المحل قلت الله لايبارك فيكم يالحراميه بس المحلات ماركزت في اسعارهم قبل وبعد لانه مافي اشي اعجبني زي هالبلوزه اللي رسخ سعرها في راسي
السؤال وين الأمانه والا ضاعت وين الزهد من هالتجار هم طوال السنه وهم كسبانين ليش يبون يمصون حتى في اوقات فرحتنا
اتمنى يكون هالموضوع لجميع ملاحظاتكم على زيادة الاسعار على السلع سواء ملابس اكل شرب مطاعم اللي هو
بالمختصر للتشهييييييييييييير بكل حرامي ترانا مفتحين عقولنا ماناب خبول :16:
تحيه اعظام واجلال لهيئة مكافحة الفساد :16:
وأمطرت سمائي عشقاً @oamtrt_smayy_aashka
محررة ماسية
يلزم عليك تسجيل الدخول أولًا لكتابة تعليق.
راعية فزع37
•
لاحول ولا قوة الا بالله ماكاننا شعب واحد ولا ابناء دوله واحدة الطمع اعمى عيونهم يشفون مابيد الناس وهم في غنى عن ذلك لوانه اجنبي كان سوينا مقاطعه بس للاسف ولد الديرة
عسل سدر
•
حبيبتي المشكله ان كل شي محلات وماركات ماسكينها الاجانب والاجنبي موته يشوف السعودي معه ريال عشان كذا الملك يرفع وهم يرفعون لكن العتب مو عليهم على البلديه ووزاره التجاره المفروض يكون معروف سعر مشتراهم للقطعه ويحدد كم يرفه عليها زي 10 او 15 بـ% مو يرفعون على قيمت مشتراهم 400%
الصفحة الأخيرة