يا بنااااااااااااااااااات هذه اول مره اجرب حظي واعرض شي للبيع لا تفشلوني
ساعدوني عشان اصير تاجرة
الصراحه من اخذت مهري وصرت جني ماشفت خير
رحت اشتري واشتري واشتري بس بعض ملابسي ما لبستهم
والباجي على لبسه وحده او لبستين كأن المناسبات خلصت من تزوجت + اني حملت بسرعه وزاد وزني اضعاف مضاعفه وماكو شي مقاسي
وكل ملابسي من محلات كشخه وذوق وغاليين
لكن انا ما عندي امل البسهم مره ثانيه + عندنا بالكويت اللي تلبسينه مره عيب تلبسينه مره ثانيه حسافه على دراريعي كانت عندي قمصان نوم مالبستهم ومازالت الاسعار عليهم بعتهم الحمدلله
عندي دراعتين قيمتهم 200 دينار الواحده طبعا مافي داعي اشرح شكثر كشخه من اكشخ محلات بالكويت لكن ببيعهم باقل من نصف السعر 90 دينار فقط (فرصه لا تعوض)
ودراعتين ب70 دينار ببيعها ب 50 دراعه انيقه و موديلها راقي جدا
كل الدراريع معاهم شال من نفس الخامه
فستان الملجه مالي احمر لبسته لمدة ساعتين فقط معاه شال من نفس الخامه سعره 250 دينار ناعم جدا وحفر راح ابيعه ب 130 فقط
فستان اسود للمناسبات نص كلوش انيق جدا سعره الاصلي 95 ابي فيه 85 لم يلبس ابدا
للحفلات لباس هندي مطرز واحد احمر وواحد زيتي موديلاتهم روعه جنج ممثله هنديه الاحمر ب 200 دينار ابي ابيعه ب 150
الزيتي ب 100 ابي ابيعه ب80 دينار
___________________________________
عندي بعد دشاديش ولادي قطن وصناعه مصريه من محل مشهور بمصر
للاعمار من 2 الى 4 سنوات 4 دشاديش الواحد على دينارين ونص
وللبنات 5 دراعات بيت لعمر 2 الى 3 سنوات قطن بارد حلوين على 2.5
وبس )))))) وشكرا لكم اذا تبون اي معلومات قولولي
اذا في وحده منكم ماشا الله واصله او تاجره وتاخذهم تعرضهم عندها
يااااااااا سلااااااااااااااااام تسوي فيني معروف
اختي ياليت تقولين الاسعار بالريال
<<<<< كسولة ما تبي تحسب
اختي ياليت تقولين الاسعار بالدولار
للحفلات لباس هندي مطرز واحد احمر وواحد زيتي موديلاتهم روعه جنج ممثله هنديه الاحمر ب 200 دينار ابي ابيعه ب 150
الزيتي ب 100 ابي ابيعه ب80 دينار
___________________________________

ممكن اشوف صورة الزيتي عندي عرس الاسبوع الياي الحقيني يالغاليه يمكن يكون من نصيبي
ممكن الصور


الساعة الآن 08:57 .