تكفون ردوا علي .....عيالي واكلهم

وبنتي زي اولادك الله يصلحهم ياليت احد يرد علينا وربي اني ماخليت طريقه الا وسويها تعب من اكلها

احرميهم من الحلويات والحلا

وهم راح يأكلون واذا اكلوخبز وجبن عادي

المهم ياكلون

وغير كذا علميهم على مواعيد الاكل عشان جمعة السفره

يمكن هم حابين انكم تتجمعون سوا وتاكلون سوا

اناعيالي كانو كذا مايرضون الين اكتشفت انهم يجبون جمعة السفره يعني نكون كلنا على سفره وحده

والحمدلله بعدها وعلمتهم على مواعيد الاكل وقت الغذاء غذاء والعشاء عشاء

ومشاءالله تبارك الله ماشي الوضع وعلى طول اقولهم هذا الاكل قدامكم سمو بالرحمن وكلو زين عشان مافي اكل غيره

والحمدلله

والله نفس المشكله ولا يطلبون الاكل بس شغلهم التلفزيون وانا بس مطاردفيهم الله المستعان اعطاني الدكتور فاتح شهيه وفتامينات لانه المناعه ضعيفه ودوم يتعبون

نفس اخوي الصغير بس امي سنعته اول شي قعد شهر كامل وامي تعطيه
الحلتيته تحط كسرة حلتيته في بيالة مويه ولاتثقيلينها خليها خفيفه شوي وتعطيها ثلاث مرات باليوم لين كمل شهر
وبعد الشهر جابت ميسيقور الشراب وصارت تعطيه مرتين يوميا وشرت له بساكيت المفيده مثل دايجستف والنخاله لان السعرات فيه كثيره ومنعته عن الباقي وماشاء الله عليه سمن و صار بطه وصحته صارت قويه واصلا حتى وجههه تغير من ثاني اسبوع في استخدامه للحلتيته يعني الفضل لله ثم للحلتيته
وهو قبل كان ماعنده مناعه وكل شوي وهو مسخن ووجهه دايم ملفع وغير كذا هو القعده وباول متوسط يعني مو صغير بالحيل وسيطرت امي عليه

ترى اذا مايكلو طبيعي تكون معدتهم صغيره وما يجوع كثير ... في البدايه اشتري لك كراتين حليب بالفراوله وبالموز والفانيليا

والشكولاته ... خليهم يشربو منها تراها تربرب الاطفال ..تبدا المعده عندهم تتوسع ويحس بالجوع ... سوي لهم الاشياء اللي

يحبوها... حليب وكورن فليكس ... طبيعة الاطفال يحبو الاشياء الحاليه اللي فيها سكر ...

تمر ولبن .. ترى مو لازم ياكل دجاج ورز ولحم ... لانه مايحبوها الاطفال ... انتي امشي معاهم بالتدريج ... ولا تفكري كثير

بالموضوع .. مره واحد من اولادي وهو صغير كان نحيف وماياكل قابلتني وحده من قرايبنا قالت لي من عينك اكل لا ما اكل سيبيه

براحته وشوفي كيف .. بالفعل طنشته مو بكيفي غصب عني كنت حامل تعبانه مو فاضيه اراقبه وتغيرر الولد الحمد لله <<<<

اسفه طولت حكي بس حااسه فيك