السلام عليكم ورحمة الله
يسعد صباحكم
بصراحة بنات انا شايلة هم عيالي
مايأكلون الا بالغصيبة
حاولت فيهم كثيير
اشتريت لهم صحون وملاعق ملونة وفيها صور حلوة مانفع
ازين لهم صحون الاكل برضو مانفع
واعطيهم مكأفات اللي يخلص صحنه
<عصيرات .حلاو.ريال.الالع ب>
كلها ماتنفع الايومين وبس


جننوني مايأكلون
واذا جاع مايأكل الاخبز وجبن
ويحبون الحلويات والحلا والبسكوت
بالعكس هالاشياء يبكون عشانها

ودي يسمنون شوي


تكفون ياامهات ساعدوني ايش تسوون
بالعيال اللي كذا
ابغى اكل مفيد وفاتح للشهية

وبنتي زي اولادك الله يصلحهم ياليت احد يرد علينا وربي اني ماخليت طريقه الا وسويها تعب من اكلها
احرميهم من الحلويات والحلا

وهم راح يأكلون واذا اكلوخبز وجبن عادي

المهم ياكلون

وغير كذا علميهم على مواعيد الاكل عشان جمعة السفره

يمكن هم حابين انكم تتجمعون سوا وتاكلون سوا

اناعيالي كانو كذا مايرضون الين اكتشفت انهم يجبون جمعة السفره يعني نكون كلنا على سفره وحده

والحمدلله بعدها وعلمتهم على مواعيد الاكل وقت الغذاء غذاء والعشاء عشاء

ومشاءالله تبارك الله ماشي الوضع وعلى طول اقولهم هذا الاكل قدامكم سمو بالرحمن وكلو زين عشان مافي اكل غيره

والحمدلله
والله نفس المشكله ولا يطلبون الاكل بس شغلهم التلفزيون وانا بس مطاردفيهم الله المستعان اعطاني الدكتور فاتح شهيه وفتامينات لانه المناعه ضعيفه ودوم يتعبون
نفس اخوي الصغير بس امي سنعته اول شي قعد شهر كامل وامي تعطيه
الحلتيته تحط كسرة حلتيته في بيالة مويه ولاتثقيلينها خليها خفيفه شوي وتعطيها ثلاث مرات باليوم لين كمل شهر
وبعد الشهر جابت ميسيقور الشراب وصارت تعطيه مرتين يوميا وشرت له بساكيت المفيده مثل دايجستف والنخاله لان السعرات فيه كثيره ومنعته عن الباقي وماشاء الله عليه سمن و صار بطه وصحته صارت قويه واصلا حتى وجههه تغير من ثاني اسبوع في استخدامه للحلتيته يعني الفضل لله ثم للحلتيته
وهو قبل كان ماعنده مناعه وكل شوي وهو مسخن ووجهه دايم ملفع وغير كذا هو القعده وباول متوسط يعني مو صغير بالحيل وسيطرت امي عليه
حياكم الله في مطبخناا



http://forum.hawaaworld.com/showthread.php?t=3664083


الساعة الآن 06:33 .