السلام عليكم ورحمة الله وبركاته

بعد تفكير في راس المال اللي عندي قررت اني افتح مشغل نسائي في الرياض ( كوافيره - خياطه - كوفي شوب )

اتمنى من اللي عندها خبرة او افكار تساعدني وتنصحني

اسوي ايش وابعد عن ايش .. واي افكار جديده

والموقع وين بيكون افضل .؟؟

ياليت تساعدوني

اختكم
29-04-1432 هـ, 08:45 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله أختي ماأنصحك بالمشغل
المشاغل في الرياض كثر النمل والمنافسة بين المشاغل قووووووية
والغالبية يروحون للمشاغل الكبيرة والصغيرة نادرا ماتلاقين احد يجيها
29-04-1432 هـ, 09:20 مساءً
 
اهم شي اهتمي في الديكور والموقع
29-04-1432 هـ, 09:31 مساءً
 
الله يعطيكم الف عافيه

اخت شيهانه طيب وش تنصحيني فيه ..؟؟

اخت جورية تتوقعين وين ممكن تكون افضل المواقع بالرياض ..؟؟
29-04-1432 هـ, 10:42 مساءً
 
والله انا مثلك كنت ابي افتح مشغل
بس لقيته وجع راس وتعب
لا من ايجار ولا عاملات ولا زبونات
يبي لك متابعه يوميه والا ماراح تستفيدين من المشغل شي
يبي لك موقع ممتاز ومعروف لان المشاغل الصغيره الناس ماعاد صارت تتجه لها وتخاف منها
يعني يبي لك موقع على شارع عام واضح خاصه انه جديد او تشترين مشغل له سمعه
واكيد كل الاثنين بيكلفونك اكثر من مما تتوقعين
غير العاملات ووجع الراس سكنهم وغيره ومتابعتهم المغربيات ماتقدرين عليه والفلبينات نفس الشي
صعب تجيبين لك وحده وتخلينها تمشي مثل ماتبين الا اذا كانت شخصيتك صارمه ولك تجارب وخبره في التعامل معهم
ياكثر مشاكل المشاغل حاولي تفكرين بشي غيره لانه متعب على غير سنع يعني ماوراه ذاك الربح الكبير لاتنسين فيه شهور كثيره في السنه يكون ركوووووووووود ويمكن يمر اسبوع ماجت زبونه وحده
29-04-1432 هـ, 11:04 مساءً
 


الساعة الآن 10:47 .