الســلام عليكم ورحمة الله وبركـــاته ..
في البدايـــه ارجـــوكم رفـــع الموضوع والله يرفع الفتن والبلاء عن كل صــاحبة رد .. اللهم آمين ..
المهم انــا لسى بنت ماتزوجت والموضوع هاذا خــاص للمتزوجه الام واللي على وشك الامومه ..
انا من طبعي اي قضيه تحدث لطفل او طفله تمر على تسبب لي تعب نفسي يستمر لشهور :44: اكره فيه الدنيا وادعي على كل ام لا تصون الأمــانه .. باختصار اللي( ما تقدر تربي ولا تحرص ولا تحافظ لا تنجب اطفال)تحملين تولدين وترمين في الشارع .. نسيتي ( ان الام مدرسةً اذا اعددتها اعددت شعباً طيب الاعراق) ..
بقولكم القصه اللي حدثت مع امي وهي سبب لفتح الموضوع ممكن بعض الامهات تحتاج لتنبيه وتذكير لتتدارك مسؤليتها ..
امي راحت للمستشفى الله يطول بعمرها وكانت في قسم الاسعاف
وتقول فيه وحده معها ولدها عمره 6سنين مجتمعين عليها من ممرضات وطبيبين وكانت ممرضه سعوديه تهاوش الام بقهر وتقول لها خايفه من الطلاق ولا خايفه على مستقبل ولدك امي خافت وتقول جت وحده كانت قريبه منهم وجلست بجنبي وقالت تدرين الدنيا صايره تخوف قلت وش السالفه قالت هاذي جايبه ولدها مغتصب وفتحوا تقرير وبيدخلون الشرطه والام ترجاهم وقالت للمممرضه انها تعرف من اللي مسوي بولدها كذا ..
المصيبه هم مين اللي مسوين بالولد فعلت قوم لوط هـــــم ( أخــــوانه من ابــــوه ) مافيه احد بيصدق امي انصدمت وقالت مستحيل قالت الحرمه ان امه تقول من زمان وانا كاشفتهم بس ابوه عصبي ومستحيل يصدقها هي مرة ابوهم ...
وتقول للممرضات اتركوني لا تسببون لي مشاكل ...
هنا اقف لكل ام... الزوج اهم من الابن تضحين برجولة ابنك ومستقبله بس عشان ما تتطلقين .. حسبي الله ونعم الوكل .. والحمدلله الذي عافان مما ابتلاهم وفضلنا على كثير من خلقه تفضيلاً ..
وياللي تروحين المناسبات الاجتماعيه وتتركين اطفالك عند خدامه ماتدرين وش ممكن تسوي ..
واللي تترك السواق يودي ولدها او بنتها .. وين المسؤليه اللي بتقفين امام الله تحاسبين حساب عسير عليها ..
هاذا موقف حصل لي والله على ما اقول شهيد وما قلته لاحد وبذكره فقط للعبره .. لعبت من بنت احدى معارفي عمرها 9 سنين وقالت لي سواقنا وسخ قلت ليه قالت (اعزكم الله) يتبول على قلت وش لون قالت اذا وداني المدرسه بنزل بنطلونه في السياره ويتبول ... انا هنا قعدت ارجف قلت قلتي لماما قالت ايوه وماما طردته من البيت وقالت لا تقولين لاحد .. وما قلنا لبابا .. قسم بالله يا بنات دعيت لها من قلبي وبحكم اني ما امون على امها ما قدرت انصحها ..
الامهات اصابتهم حمـــى التــطور يعني اخلي بنتي تروح مع صحباتها والسواق بدون رقيت .. معناته انا فري ومو معقده وتنسى ان طفولة وبراءة عيالها في خطرررر ..
ادري طولت عليكم بس موضوع مهم ولا يستهتر به ...
كلمتين لكل ام حطي عيالك بعيونك وخليهم من اولوياتك وخلي عنك الاسواق والعزايم والمناسبات الناس بتروح و العمر بيروح ويبقى لك الولد الصالح اللي بيدعي لك ربي على اساس يكون لك عمل بعد مماتك ..
زوجك لا طحتي عن حيلك بيدور على وحده تاخذ مكانك ...
صديقتك بتدور على وحده تونسها وتطلع معها ...
اختك بتكون معاك بس كل اهتمامها مع زوجها وعيالها ...
ولدك هو الوحيد اللي بيسندك وقت ضعفك ... اسنديه وخلي يدك حوليه ... الله يصلح لكم ذريتكم ويكفيكم شر الفتن ما ظهر منها وما بطن ...
لكـــل من قرت موضوعي...
دوتــــس :26:
ديــــمو @dymo_7
محررة
يلزم عليك تسجيل الدخول أولًا لكتابة تعليق.
لاحول ولاقوة الا بالله
والله انا اخاف على ولدي كل يوم اكثر من اللي قبله
بس اتوكل على الله وارقيه وانتبهله وربك هو الحافظ بالاول والاخير
والله انا اخاف على ولدي كل يوم اكثر من اللي قبله
بس اتوكل على الله وارقيه وانتبهله وربك هو الحافظ بالاول والاخير
الصفحة الأخيرة
رفععععععععععععععععععععععع 00