مشكورين كل الي مروا وشكر خاص لك يام سيرين
جيتك يالغاليه أم سيرين بوابل من الاسئله أتمنى يتسع صدرك لها مويقولون أسأل مجرب ولاتسأل طبيب بس قبلها حطيت لي قائمه بخطوات ومتطلبات المشروع وأبغى رايك
1- المحل وموقعه (غرفة خياطه -غرفه بروفه -مكان أستقبال -ومكان للاقمشه والمستلزمات
2- 2ماكينه خياطه
3-أثاث (مكيف /كنب للاستقبال/طاولة قص / أدوات خياطه )
4-2عامله فلبينيه
الحين الاسئله
استقدام الخياطات كيف يكون مكتب أستقبال عادي او مكان اخر
تواجدك في المحل متى يبدأ الساعه كم وكم ينتهي أنا الي يناسبني أفتح العصر وأقفل المحل التاسعه أو العاشره ليلا كحد أقصى
كم صافي الربح المتوقع تجنيه وكم صافي الربح الحالي بعد دفع المستحقات وهل تسددين أجار المحل وراتب العاملات في بداية الشغل من جيبك الخاص
أنواع مكاين الخياطه من حيث عملها ماأقصد صناعتها يعني هل في مكاين معينه لوظيفه معينه أو الكل يؤدي نفس الوظائف
برأيك من وين أبدأ أذا كنت باتجه لباب رزق لان الاجار راح يتكفلوا فيه وباقي المصاريف لكن المشكله من وين أجيب الخياطه أذا كان القرض لايشمل أستقدام خياطه هل أروح مشاغل وأبحث عن خياطات للتنازل أوأعلن في الوسيله
الخياطه هي نقطة بدايه للمشروع
أسفه أدوشتك وكثرت عليك الاسئله بس طمعانه في خبرتك
لاإله إلا الله
سبحان الله وبحمده
اقتباس مشاركة  (big chance)
جيتك يالغاليه أم سيرين بوابل من الاسئله أتمنى يتسع صدرك لها مويقولون أسأل مجرب ولاتسأل طبيب بس قبلها حطيت لي قائمه بخطوات ومتطلبات المشروع وأبغى رايك
1- المحل وموقعه (غرفة خياطه -غرفه بروفه -مكان أستقبال -ومكان للاقمشه والمستلزمات
2- 2ماكينه خياطه
3-أثاث (مكيف /كنب للاستقبال/طاولة قص / أدوات خياطه )
4-2عامله فلبينيه

مبدئيا تجهيز كويس ومناسب وترتيب افكارك حلو ومنظم
الحين الاسئله
استقدام الخياطات كيف يكون مكتب أستقبال عادي او مكان اخر

عادي ياقلبي بعد الرخصة من البلدية تروحين مكتب العمل ويعطيك فيز( انا لسه ما طلعت لي الفيز انتظر بس عندي وحده ناقله كفالتها) بعدها تقدمين من مكاتب الاستقدام او توصين احد تعرفينه وهذا الافضل عشان تضمني تكون خياطة كويسة وعندها خبرة وانا اعرف وحدة تدلك ع خياطات فلبينيات

تواجدك في المحل متى يبدأ الساعه كم وكم ينتهي أنا الي يناسبني أفتح العصر وأقفل المحل التاسعه أو العاشره ليلا كحد أقصى

انا خياطتي تدوام من الساعة 2 الظهر الي 10 بالليل ,وانا غالبا اجي بعد العصر الا اذا في ضغط عمل اجي معها

كم صافي الربح المتوقع تجنيه وكم صافي الربح الحالي بعد دفع المستحقات وهل تسددين أجار المحل وراتب العاملات في بداية الشغل من جيبك الخاص

والله ياعمري انا لسه في البداية بس الحمدلله الشغل زين الشهر الاول من عندي دفعت وبعدين من فضل الله صارت تطلع راتبها ,, بس انا لسه ما حسبت حكايية الايجار لأني شايله له مبلغ ع جمب من اول وباقي الربح لسه مصاريف والتزامات ونواقص ع المشغل لأنه لسه جديد وانا كمان عاملة قسم تجميل,, والحق يقال ان الخياطة جو كثير من زباينها معها لأنها قديمة
أنواع مكاين الخياطه من حيث عملها ماأقصد صناعتها يعني هل في مكاين معينه لوظيفه معينه أو الكل يؤدي نفس الوظائف

شوفي افضل شي للخياطه وبدون منازع جوكي الياباني جوكي للخياطة وجوكي للسرفلة اصلا حتى خياطتي اصرت عليا اني اشتريها صح هي اغلا بس لا تسألي عن الجوده لأنه في زيها صيني بالسوق بستخرب ع طول انا ما اشتريت الا مكينه خياطه ومكينة سرفلة كلفتني 5000ريال ,,وقلت لك قبل لو لقيت ياباني مستعمل وعملت له اختبار خياطتي ما راح اتردد واشتريه ارخص والجودة مضمونة

في طبعا مكينه متخصصة بالتطريز (صناعة ايرانية وسعرها معقول800)وفي مكاين خاصة بالقصقصة مثل اشكال الورد بس هذي الاشياء مهي ضرورية انا مثلا لو احتجت ورد اروح لمحل كلف اتعامل معه ويعملها ليا (وانا ع فكرة من المدينه)

برأيك من وين أبدأ أذا كنت باتجه لباب رزق لان الاجار راح يتكفلوا فيه وباقي المصاريف لكن المشكله من وين أجيب الخياطه أذا كان القرض لايشمل أستقدام خياطه هل أروح مشاغل وأبحث عن خياطات للتنازل أوأعلن في الوسيله

انتي روحي وقدمي قرض لمشروع جديد انا قالت لي الموظفة يعطون لحد 150 الف بس لازم تروحين بنفسك

وحكاية المشتريات والايجار ممكن ترتبينها بطريقتك يعني مثلا تكتبي فواتير 20 الف ولا تشترين الا ب10 الاف وكذا

انا بالنسبة لي كنت اعرف خياطة واتصلت عليها وسألتها وبعد فترة قالتلي عن الخياطة اللي للتنازل وممكن تشغلينها فترة عندك وتدفعي راتبها عشان تجربي شغلها
الخياطه هي نقطة بدايه للمشروع

اكيد كلام سليم عشان تمسكي سمعه من البداية والخياطة ربحها حلو ومريح بالذات اذا انتي حابه المجال ,,واذا عندك افكار للتسويق حلو تطورين نفسك ومشروعك حبه حبه زي مرايل مدراس او عبايات تخرج او فستاين اطفال وبلايز مناسبات ,,

ونصيحة اعتمدي الخياطتين الاساسيات فلبينيات وبعد كذا لمن يزيد الدخل وتنعرفين تجيبين مساعدات اندونسيات شغلهم كويس ورواتبهم حلوة لأن الفلبينيات شوي مرتفعة رواتبهم
أسفه أدوشتك وكثرت عليك الاسئله بس طمعانه في خبرتك

لا عادي ياقلبي بالعكس والله اسعدتني مساعدتك لأني مريت من فترة بسيطة بنفس تساؤلاتك ومازلت اتساءل وما كسبت خبرة بالمجال

وانا ارسلت لكي رقمي بالله مايردك الا لسانك اتصلي واسألي عن كل التفاصيل من الألف الي الياء وربي يسعدني اقدم لك اي شي واحنا اخوات وما تدرين سبحان الله امكن يكون بيننا تعاون مشترك في المستقبل

بس والله للحين اقلك فكرة روعه وفيها باذن الله ربح حلو واسأل الله لنا التوفيق والرزق الحلال



الساعة الآن 05:44 .