السلام عليكم ورحمة الله وبركاته

بالنسبه لي أنا كنت ذاكره فيما سبق أني بتأخر عنكم مدة اسبوعين تقريبا ..

إن شاء الله وبالتوفيق للجميع




السلام عليكم .. حياكم الله خواتي ..
حتى أنا بعدني في فترة التسخين .. وأحياناً أحس باحباط .. قاعدة أدور على بضاعة .. وحطيت في بالي شي فعلاً .. ونسقت مع صاحبتها .. وكان باقي لي بس أستلمهامن الشحن اللي كان مشكلتي الفترة اللي طافت .. وللأسف البضاعة اللي عندها ما شاء الله تبارك الرحمن كلها محجوزة حالياً .. وأتريا الدور .. الله يبارك لها ولنا برزاقنا ..

وعندي عتب على خواتي ..
ولا وحدة فيكم تعبرني وترد علي .. كيف ممكن أييب البضاعة من بانكوك .. هذا وأنا أقول لكم انها " أمنيتي من زماااان " .. طيب مو من بانكوك بلاش منها إذا هي بعيدة .. طيب الجلابيات الرخيصة والمنتقاه طبعاًممكن تكون من مصر .. والملابس الداخلية القطنية بعد ممكن تكون من سوريا ... كيف ممكن أدبرها وباستمرار .. حتى أتمكن من فتح محل مستقبلاٌ طبعاً ... لا تقولون سافري.. مستحيل أصحاب ها المحلات دايم يسافرون أو حتى دوم مندوبهم يسافر .. عشان يجددون بضايعهم .. يمكن .. بين فترة والثانية !! .. واحنا حاليا في عصر التجارة الالكترونية .. دلوني تكفون على بنوتات ممكن يمولوني بمثل ها البضاعة وتكون شغل عدل وبنفس الوقت حنينة علينا وعلى المستهلك ومتوفرة بشكل شبه دائم .. ما تكون عندي البضاعة يوم وعشرة لا .. وكيف أقدر أجددها بين فترة والثانية .. وشو هي الأماكن الثانية اللي ممكن أدبر منها مثل هاي البضاعة ؟؟؟
شفتو الزاي مخنا بدا يشتغل عدل ويحسبها صح .. في محلات أغراضها حلوة مو ماركات طبعاً .. بس شغل مرتب ومتجدد ويصلح حق اليهال اللي ما تقعد عندهم القطعة وايد من الكاكاو والحلاوة .. والملابس الداخلية سواء لليهال ولا للحريم .. حلوة مو غالية وأكيد هم بعد فيها موب خسرانين .. إلا كسبانبن وكسبانين بعد .. ولكل مجتهد نصيب .. ليش خيرنا يظل دوم حج غيرنا ليش ما نبدا نتحرك ونييب اللي نباه ونفيد ونستفيد .. بس احنا في البداية .. مثل البيبيهات .. تونا نبدا نخطي .. تاتا .. تاتا .. يا الله يا خوات .. همتكم معانا .. كيف وليش وازاي؟؟!!! ..وضحوا لنا كل شي من طق طق .. لسلام عليكم ... أكيد في خبيرات معنا في المجموعة .. أو على الأقل للخوات علاقة باحداهن .. ليش ما تسوون مثل الراجحي يوم يابوه في قناة المجد وسوا ومحاضرة للشباب ما أدري عن شو بالضبط طافتني وقتها وكان خاطري فيها بس كانت حول ها الموضوع .. كيف هو ابتدأ .. وما شاء الله هو سيطة في السعودية وخارجها ما يحتاي .. من كان مع الله كان الله معه .. الله يوسع في رقنا ورزقكم ..

ويزاكم الله خير .. أتمنى ها المرة .. حد يرد على تساؤلاتي غير الأخت أم طلحة يزاها الله خير .. جاوبت على اللي تقدر عليه ... وترى ها المعلومات بتفيد شريحة كبيرة من الخوات ..
هلا اختي ماث الله يعينج والله ..

تدرين اذا كنتي تعرفين مثلا أسامي الشركات او المصانع اللي تصنع هذه الملابس او الاغراض اللي تفكرين توردينها ليش ما تتصلين لهم وتسألينهم ؟ بتلاقين بعضهم يشحنون لج الاغراض اللي تبينها طبعا تكاليف الشحن انتي بتدفعينه وأظن بيكون أوفر من السفر والسكن وغيره .. بس لازم تتأكدين إنهم مظمونين .. يعني عند كلمتهم .. وتكونين بعدها على اتفاق دائم معاهم وتطلبين منهم كاتالوج او صور البضايع المتوفره علشان تطلبين منهم اللي تحبينه ..

هذا والله أعلم


على فكره انا أم طلحه بس غيرته لأم الغالي




Math
ما انا لسه كنت كاتبة فوق نتعامل سوى ..
أنا من مصر و اتعامل مع مصانع جلابيات و مصانع احذية انتي حددي السعر المناسب لكي و انا ارسل لك صور .. تختاري منها ..
أو ارسل لك عينات واحده من كل موديل و اللي تلاقي عليها اقبال و تمشي معاكي تطلبي منها كمية
أنا كمان بصدد التعامل مع مصانع ملابس عادية ..
و اذا عايزة أي شيء ممكن اشوف لك مصانعهم و اكون مندوبتك في القاهرة

هي ميزة المصنع انه ارخص و كمان ممكن يعملولك الطلبية مخصوص حتى لو خلصت من عندهم

على فكرة انا أتعامل مع أخت من السعودية و أخت من اليمن بهذه الطريقة .. أجيب لهم بضائع يبيعونها .. و في واحده منهم عندها محل كمان أجيب لهم بنفس الأسعار اللي أشتريها بيها و اخذ نسبة على الاجمالي .. و نسبة بسيطة جدا ..
حتى الأن بعد ما تعاملنا كذا مرة و عرفت ذوقهم و هم وثقوا في ذوقي أوقات أنقيلهم انا اشياء لو عجبتني و ما عرفت اصورها

و أعتقد لو انا منوبتك هيكون افضل لك من انك حتى تنزلي تشتريهم بنفسك لأنهم لما يعطوكي تبيعيها في الامارات سعرها بيكون غير لما يعطوها لي على اساس ابيعها في مصر ..

شوفي الاشياء اللي في توقيعي .. و اسعار الجملة غير

جربوا و مش هتندوا ابدا ان شاء الله
ماشاء الله النشاط على ودنــــــــــــ ــــــه !!!


الساعة الآن 01:28 .