والله حلو كلامك اختي أم_أحمداني
انا افكر اني اكون مندوبه احيانا لاكن اقول مين بيشري مني خصوصا اني في البيت لاشغل ولامشغلة واقاربي نجتمع معهم في استراحه بس عددنا مو كثير يعني اذا عرضت عليهم البضاعة مره... المره الثانيه بيملون مني ومن بضايعي ...
وش رايك بكلامي عندك حل لي؟؟؟!!
نورنجد
•
أم أحمداني الله يبارك لج يا رب ويرزقج ويرزقنا أجمعين ما عليج من الرمسه الزايده .. وأحسن شي تشتغلين بالكتمان .. وياما ناس بدت من الصفر والحين تحصلينهم تجار مشاء الله
الله يبارك لنا ولج برزقج يارب :)
والله يوفق الجميع
الله يبارك لنا ولج برزقج يارب :)
والله يوفق الجميع
الصفحة الأخيرة
لا تنتظرين تشجيع من أحد ...
وعن تجربة أقولج إن أنا قبل ما أبدى .. كنت أقول للي حوالي إني بسوي وبسوي ..
والكل كان يقولي حلو .. وأنا مجالي الخياطه ..
ورديت أتكلم مرة ثانية .. وأخذ مني المشروع وقت طويل .. سنة تقريبا من التفكير ..
وفي النهاية الناس تعبت من التشجيع وأنا تعبت من الكلام ... !!
وقلت خل أبدى وأشوف راي الناس ... وسويت جلابيتين للعيد حقي .. لكني طول فترة الشغل ما خبرت أحد إني أشتغل ..
وفالعيد ..... كانت المفاجأة ... وكل اللي شافوا الجلابيتين مدحوهم وايد .. لدرجة إن ياتني عروض تجارية وأنا رفضتها لأني فضلت أشتغل بالمزاج :)
واستمريت ... وكنت بعدها أشتغل على فستانين واحد لي والثاني لأختي ... لعرس أختي الكبيرة .. !!! لكن هالمرة ما تتخيلين حجم الاحباط اللي كنت أتعرض له ((((يوميا!!!))))
الكل كان مستنكر علي هالشي ويقولولي ليش جي سويتي ؟ الله يهديج وهذا عرس اختج .. وقصدهم يعني لازم كنت أسوي الفستان عند مصمم ياخذ عني عالأقل 1000 و 2000
والبعض كان يتمصخر علي ويقوللي الحين انتي يعني مثل الهنود اللي فالخياط .. واللي كان يطنز ويقوللي .. إنزين بنشوف شو تسوين .. !
لكن الحمدلله إن لي زوج محب دايما يشجعني ... واختي اللي كنت أخيط لها فستانها بعد كانت وايد تشجعني ... وفيوم العرس !!!!!!!!!!!!!! انصدموا بالفستانين انهم كانوا روعة ..
والكل حجز عندي عشان أسويلهم مرة ثانية .......
وأنا آسفة على القصة الطويلة ..
لكن اختي أحب أقولج .. وأقول للكل ... إني إلى الآن أتعرض للإحباط ...
لكن التجارة يبالها صبر ...
ونصيحه : لا تتوقعين أي تشجيع .. من كثر كلامه قل فعله ... سوي وانتي تحصدين النتيجه
والناس ما يعجبها شي .. المهم إنج شغلتي وقتج ... وانجزتي شي ..
وترى التجارة حلوة ورب العالمين مبارك فيها .. لو كانت على الدرب الصح ..
خلي نيتج فالتجارة إرضاء الله تعالى ... وبتشوفين النتايج الحلوة ...
والسموحة