السلام عليكم ورحمة الله وبركاته
عزيزتي أم دانه تقصدين بالسمك أو اللحم ؟
أنا أطبخ المكبوس على حسب اللحم .
وعليكم السلام و رحمة الله و بركاته...

مرحباااااااااااا انهار

قصدي مجبوس اللحم وممكن دجاج ما قد ذقت السمك بصراحة تسلمي عزيزتي
هلا اختي.. يبت لج الطريقه

يالله نبدأ..

المقادير:-
- بزار. (هيل + كزبره + كمون + جرفه + فلفل اسود + مثيبه + مسمار) هذا بزارنا
- كركم.
- فلفل اسود.
- بصل.
- رز.
- دجاج.
- طماط.
( كله ع حسب الكميه اللي بتطبخينها)

الطريقه:-
- تقطعين الدجاج وتغسلينه.. وتقطعين البصل.
- تسخنين الزيت في قدر وتشوحين البصل فيه.
- عقب نحط على البصل الطماط ونخليه لين يلين شويه ثم نحط الدجاج.. والبهارات.
- نغطي الجدر ونخلي الدجاج ياخذ ريحت البصل شوي ويطلع ماي ع نار هادئه.
- نصب الماي على الدجاج ونحط ملح.. ونترك على النار حتى ينضج الدجاج.
-- ملاحظة--
احنا نخلي الدياي لين ينضى وخلاف نظهره ونطبخ العيش.. اذا انتي تبين تكبسين العشي مع الدياي .. تخلين الدياي يستوي نص سوى وتحطين عليه العيش.


- نطلع الدياي من الماي ونحط العيش بداله .. ولازم يكون الماي فوق العيش ب 2 سم تقريبا.. اذا شفتي الماي شويه زيديه عقب ما تحطين العيش.
- خليه يفور العيش شويه وخلاف خفي النار عليه وخليه على نار هادئه وغطيه لين ينضج.

يوم بينضى العيش حطي عليه الدياي .

وخلالالالاص

تعبت وانا اكتب ان شاء الله تفهمين شو اللي كتبته ههههههههه
:: غزلان الصحاري ::
مجبوس السمج ياعيني عليه بس الأحلى تقلين السمك قبل.. فعلا يهبلللللللللللللل

بس مثل ماقتلج خبت وماعرف أضبطه ألحين

أنا بعد بنتظرج أختي منارة عل وعسى أضبطه بطريقتج

نسيت أقولج أم دانة ترى المجبوس الاماراتي يعتيد على البزار وهو خليط من البهارات ويختلف من بيت لبيت.. باختصار المجبوس = بهارات وكركم هههههههههه حلوة هالمعادلة صح!!



الساعة الآن 09:30 .