هي صينية كرات بطاطس ويكون تحتها ملفوف (لهانه) مبشور وجزر مبشور وشوي بصل وفيها كريمة..

لوسمحتوا اللي تعرفها تكتبها لي وماراح انساها بالدعاء..
01-03-1426 هـ, 02:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي حبيبتي هاي الطريقة من الأخت كنوز
دجاج بالبطاطس فضييييييييع ولذيييييييذ
المقادير :

4حبات كبيرة بطاطا مسلوقة ومهروسة +جبن سائل كاسة صقيرة +4 ملاعق مايونيز +علبة مشروم مقطعة شرائح +دجاجة مسلوقة ومقطعة قطع صقيرة +علبة قشطة +ملح وفلفل +علبة متوسطة جبنة شدر ومبشورة

الطريقة :

يخلط الدجاج مع القشطة والمشروم والملح والفلفل ثم يفرش في صنية بايركس متوسطة ثم يخلط البطاطا مع الجبن والمايونيز ثم يشكل على شكل كور ثم يرص فوق طبقة الدجاج ثم يرش فوقه الجبن المبشور ثم يدخل الفرن حتى يسيح الجبن ثم يقدم بجانبة السلطة والخبز العربي او الارز المعمول بالزعفران وصحتيييييين على قلبكم يا حلوين



( ممكن تبدلين زي ما تبين )
01-03-1426 هـ, 03:10 صباحاً
 
السلام عليكم ورحمه الله وبركاته..
بكتبلك طريقتها وان شاءالله تكون زي اللي في بالك,
بس من جد هالصينيه تجننن وتواجه في العزايم ودايم يطلبونها اهلي مني,
ان شاءاالله تعجبك..

نبدأ بالمقادير:
3 بصلات مقطعه شرايح (يكون حجمها متوسط مو كبير, اذا كبير ثنتين او وحده تكفي)
ا صحن صدر دجاج مقطع شرايح (احسن شي صدور دجاج رضوى)
ا علبه مشروم مقطع
نص كيس صغير من الخضار المشكل المثلج
وربع او نص ملفوف ابيض مقطع شرايح
ملح , فلفل اسود , وحبة ماجي , وشوي قرفه , وشوي بهارات مشكل , وصوصا صوص النوع المالح (احسن شي كيكومان) , وشوي صوص صويا حلو ,
----------------------------
* 2 بطاطس مسلوق وبعدل السلق يهرس ويضاف له ملح وفلفل اسود وبعدها يشكل كور صغيره ويوضع على جمب
--------------------------
مقادير الصوص:
بالخلاط >>> علبه قشطه و 3 ملاعق جبن سايل و 3 ملاعق مايونيز

------------------------
الطريقه:
نحمس البصل بزيت حتى يشقر ثم نضيف الدجاج ونضيف الملح والفلفل الاسود وقليل من القرفه والماجي وشوي بهارات ونطبخه لين ينضج
وبعدين نضيف الخضار المشكل ونخليها تطبخ شوي بعدين نضيف الفطر
واذا انضجت الخضار نضع آخر شي الملفوف وصوص الصويا الحلو والمالح
بس ننتبه مانطبخ الملفوف واجد دقيقه بس مو يذبل!!
بعدين يوضع في صينيه التقديم
وللهالكميه بايركس كبيره او ثنتين صغار
بعد مانحط الدجاج والخضار بالبايركس نضع عليها كور البطاطس
وأخر شي الصوص
* نضع الصوص بالملعقه على كل كوره من كور البطاطس لين يأخذ شكلها يعني يغطيها ..

وبالعافيه..

واللي تعجبه لايحرمني من دعواته..
01-03-1426 هـ, 05:56 صباحاً
 
انقطع البصل شرايح يعني جوانح
اما الدجاج انقطعها مكعبات عذراً غلطت
01-03-1426 هـ, 06:00 صباحاً
 
تسلمون والله..

الله يعطيكم على قد نيتكم *****الله ويرزقكم..

بس مو هذي الصينيية اللي اقصدها ما فيها اي لحوم بالمرة بس المكونات اللي كتبتها..
01-03-1426 هـ, 12:23 مساءً
 


الساعة الآن 01:52 .