السلام عيكم ورحمة الله وبركاته
:26::26::26::26::26::26::26::26:
هذا اول موضوع غير منقول ليه في هذا القسم --- بس الي راح اقوله مهم جدا واتمنى انكم تستفيدو منه
انا راح اقولكم قصه صارت معي شخصيا وحمدت ربي عليها الف مره
انا ياطويلات العمر قبل شهر قالو لزوجي ((من العمل)) انه جاته دوره في جده لمدة 3 ايام ومن يوم ماعرفنا عن هذي السفره واحنا مقررين انو انا وهو بس إلي نروح واترك اولادي (واحد عمره سنتين ونص وواحد اربع سنين)عند اهلي لاني كنت رايحه اقضي اشياء للبيت وهم راح يرجونا وماراح نعرف نشتري كويس ___ المهم كانت السفره قبل ثلاث اسابيع وانا جهزت الشنط على انو العيال راح يروحو عند اهلي بس قبل ما نطلع من البيت قال زوجي انا ابغى اكلم ولدي ابو 4سنين واقوله عن اننا احنا راح نسافر ونخليه هو واخوه عند ماماي<<يقول لأمي كذا>>وعلى فكره انا دايمن اروح السوق واخليهم عند ماما ولاعمري قلت له اني ابغى اروح بس هذي المره مدري اش خلانا نقوله ... ولمن قله قام الولد يبكي من قلبه وبحرقه ويقول ابغى اروح معاكم عاد لمن زوجي شافه كذا قال لا والله ما اتركه لغير ناخذهم معانا المهم اخذناهم معانا وجننوني في السوق كل واحد يروح في جهه ونجري وراه طفشونا وفشلونا المهم الدوره حقت زوجي كانت راح تنتهي يوم الأربعاء وقلنا خلينا تجلس كمان الخميس والجمعه في الظهر نمشي على المدينه بس اهلي قررو يسافرو الأربعاء وراح يطولو في سفرتهم فقلت لازم انزل الأربعاء عشان اسلم عليهم واجلس معاهم قبل ما يسافرو المهم نزلنا على المدينه وعلى طول رحت عند اهلي وزوجي كان معايا عشان يسلم عليهم المهم على الساعه 11 في الليل دق ابو زوجي << زوجي ولده الوحيد وام زوجي اتوفت العام>>على زوجي وقله انه يبغى يروح فرح وبعد الفرح راح يسلم على العيال <هو ساكن فوقنا> وبعد الساعه 1في الليل كنا راجعين البيت وندق على ابو زوجي بالجوال ومايرد<<مو من طبعه حتى لو كان نايم يرد>> انا قلبي قرصني وبعدها بدقيقتين ارسل رقم غريب على زوجي اثنين كول مي زوجي وجه انقلب عرف انو في شي المهم لمن رجع دق على هذا الرقم قله انو ابوه صدمه واحد قدام القصر حتى قبل ما يدخل وشرد وهو الأن في المستشفى ..على طول زوجي نزلني في البيت وراح على المستشفى وطلع عنده ولله الحمد بس كسر مضاعف في الساق <<ادعو ان الله يقومه بالسلامه >>:(
طبعا اكيد انتو مستغربين فين الحكمه من الموضوع ...... ( احنا قبل مانسافر قال ابو زوجي انو يوم الأربعاء راح ياخذ ولدي ابو 4 سنين معاه للفرح <<على اساس انهم راح يكونو عن اهلي ) بس الحمد لله ربي لطف
تبغو تعرفو الشي إلي سويته وحفظهم بعد الله طبعا هو الأستخاااااااااااااااااره
انا قبل مانسافر بيوم استخرت في اني اخذ العيال او لا ....... الحمد لله انا من النوع إلي استخير في اغلب الأشياء
والله الأستخاره مهمه مهمه يكفي انك تستخيري الله فأكيد راح يخير لك كل مافيه خير دائما
هذي قصتي واتمنى انو انكم تستخيرو الله في كل اموركم وصدقوني ماراح تندمو ابدا
وابغى منكم تكتبو قصص صارت معاكم تخص الأستخارة عشان العبره -
صفة صلاة الأستخاره <<للي ما تعرف
تصلي ركعتين من غير الفريضه وتقولي الدعاء يكون بعد السلام من الركعتين وترفعي يدك ثم تدعي بهذا الدعاء،}اللهم إني أستخيرك بعلمك وأستقدرك بقدرتك، وأسألك من فضلك العظيم، فإنك تقدر ولا أقدر وتعلم ولا أعلم وأنت علام الغيوب، اللهم إن كنت تعلم أن هذا الأمر خير لي في ديني ومعاشي وعاقبة أمري ـ أو قال: عاجل أمري وآجله ـ فاقدره لي ويسره لي ثم بارك لي فيه، وإن كنت تعلم أن هذا الأمر شر لي في ديني ومعاشي وعاقبة أمري ـ أو قال في عاجل أمري وآجله ـ فاصرفه عني واصرفني عنه واقدر لي الخير حيث كان ثم أرضني به </SPAN>{
} سبحان الله وبحمده سبحان الله العظيم{
&الوفا بدمي& @ampalofa_bdmyamp
عضوة مميزة
يلزم عليك تسجيل الدخول أولًا لكتابة تعليق.
تنهاب ما تهاب
•
مشكوره
الله يحفظ لك عيالك وأبو عيالك ويخليكم لبعض
أنتي صادقة صلاة الاستخارة والتوكل على الله يخلي الواحد مرتاح
الله يشفي أبو زوجك
أنتي صادقة صلاة الاستخارة والتوكل على الله يخلي الواحد مرتاح
الله يشفي أبو زوجك
الصفحة الأخيرة