الجبنية المضبوطة اللذيذة بالصور

السلام عليكم.. أنا كتبتلكم الطريقة من قبل لكن نظرا لطلب الصور سويته علشان عيونكم وصورته ..
ترا هذي المقادير مضبوطة وإن شاء الله أبدا ما تخيب ..وسرييييييييييييعة جدا يعني تنفع للطوارئ والأزمات يلا تعالوا نطبخ :)
الجبنية اللذيذة
وتطلع منه كمية تكفي مجلس الرجال ومجلس النساء..
المقادير:
2 كوب طحين أبيض
كوب جبن كاسات كيري أو كرافت أو بوك أو فيلادلفيا
م ص خميرة
ربع كوب ماء
زيت للقلي، شيرة
فستق مطحون للتزيين

الطريقة:
نخلط الخميرة مع الطحين ويعجن بالجبن ثم نضيف الماء
خلالاص خلصنا

بعد ما تصير عجينة خليها في مكان دافئ حتى يتضاعف حجمها (أنا أفتح الفرن على الدافي وبعدين أسكره أحطها داخل مغطاة)
طلعيها وافرديها على سطح مرشوش بالدقيق تكون شوي تلصق لا مشكلة خليها رقيقة


وقطعيها بقطاعة البسكويت المتوسطة أو الصغيرة الدائرية..


حطيى الزيت على النار ومن يحمى شوي حطي الدوائر الصغيرة
بتشوفينها تنتفخ كأنها بوري مرة شكلها حلو...


طلعيها في مصفاة


ثم رشي عليها الشيرة الباردة وزيني بالفستق..




وبالعاااااااااااااااااااااااااافية
على فكرة ابني يحبها بدون الشيرة ..يا كلها كخبز..
وبالعافية ترا على ضمانتي ما تفشل..والكل بيسألك عنها
عاد قوليلهم الله يجزي الغمامة عنا كل خير ويخليها قرة عين زوجها