السلام عليكم...
كيفكم حبيباتي وأخواتي الغاليات من أعضاء وزوار لعالم حواء...
لثقتي فيكم و حبي لكم ، مالقيت إلا حواء أنزل فيه مشكلة ولدي ..وإن شاء اللله ألآقي حل وأيضا مشورة منكم ومن الأخوات اللي ممكن يكونوا مروا بنفس مشكلة ابني الله يحفظه ويحفظ لكم أولادكم..
مشكلة ولدي في ختانه..
عمره الآن سنة و11 شهر الله يصلحه وينبته النبات الحسن..
صار ختانه بعد شهر من عمره لأنه كان بالحضانة والخطأ الكبير إني وديته لمختن شعبي مشهور عندنا بمكة ، لكن ولدي كأنه ماتختن أبدا..والأمهات اللي عندهم أولاد ذكور يعرفوا الوضع كيف..وأنا هنا أحتاج مشورتهم.
بعد ما إلتأم الجرح وصار ولدي طيب لاحظت إن ختانه مش كويس بس اللي حولي من أهلي وعمتي وحتى زوجي قالوا كويس ولا توسوسي مع إن هذا بكري ولا عندي معرفه بهالأمور لسا بس لاحظت الأمر بالذات وقت غياره واستحمامه.

مع هذا عرضته على استشاري أطفال من جماعتنا وهو بعمر الشهرين وكمان وقت ماكان عمره سنة ونصف، قال ختانه جيد.
وعرضته على أخصائي أطفال ونفس كلام الأول.

والموضوع زاعجني لحد ماعرضته على طبيب آخر وكان كلامه مختلف تماما..
قال هذا الختان سيء جداً ويحتاج لختان آخر والموضوع بيختلف كليا عن وقت ماكان صغير..فيحتاج عملية وتخدير كامل والأفضل يعرض على أخصائي مسالك بولية..مو على جراح.
وهنا وقعتُ في حيرة من أمري من الموافقة وعدمها..
والخوف دبّ في نفسي..
مع قناعتي باحتياج ابني لذلك وحتى من حولي من أهلي وزوجي تغير رأيهم،بأنه يحتاج للعملية.

فلا أعلم هل ماسنفعله صحيحاً؟
وهل ابني معرض للخطر لا قدر الله؟
وإذا كنا سنجري العملية في أي مشفى ؟ـ لمن لديها خلفية ـ ومن أفضل استشاري مسالك بوليه بمكة أو حتى بجدة ؟
الله يسعدكم أفيدوني بذلك.
صاحبات التجارب ـ بارك الله فيكم ـ فأنا في حيرة شديدة وكذلك زوجي..ماذا نفعل..؟؟؟
فلا خاب من استشار..
وظني فيكم كبير أن تلقوا إللي بتجاربكم أو استشاراتكم وما لديكم من معلومة ..
الله يعطيكم ألف ألف ألف عافية ..
والله يخلي لكم إعيالكم ويحفظهم..
ويسعدكم بالدارين ويحميكم ويحرسكم الباري..
والله راح أكون أسعد إن وجدت ردودكم علي وإن كانت دعوة صادقة سواء كتابةً أو حتى في ظهر الغيب..فشأن الدعاااااااء عظيم كما تعلمون بارك الله فيكم..
أعلم أني أطلت وأسهبت قليلا فاعذروني عزيزاتي...

لكم شكري العميم وامتناني العظيم مصحوبا بحبي الكبير إليكم يا غاليات....


انا عندي طفل عمره 3 شهور ولا طلعت من المشتشفى في ولاده الا وانا مختنته والحمد الله كويس

بس مافهمت وش اقدر افيدك فيه اذا كان اكثر من طبيب يقول كويس خلاص ليه تروحين وتوجعين قلبك ودام ابوه يقول كويس

خلاص الرجال يعرفون بهالامور اكثر مننا ولا تسمعين من هالي يقول عمليه وخرابيط مدري حسيته يبي فلوس وبس

اول مره اسمع ان الختان يتخدر انا ما خدروه ولا بنج ولا اي شي انتبهي طفلك صغير على هالامور

وياليت توضحين مشكلته عشان اقدر افيدك لو عندي علم
فساتين للبيع للجادات الرجاء مراسلتي
أشكرك أختي عالرد الله يبارك فيك..
أنا ماوضحت المشكلة بالضبط بس مشكلة ولدي إن الجلدة زايدة عالعضو بنحو 2سم تقريبا ووقت التنظيف أحتاج أنزلها على أنزلها على تحت عشان أنظف وإتن بكرامة..
وكمان عنده مشكلة ثانية بس ما اعرف اقدر أقولها أو لا..
سلام عليكم
شوفي حبيبتي انا ام ل3 اولاد ماشاء لله اكبرهم 8سنوات والصغير 2ونصف وكلهم صبيان يعني انا فهمت عليك
بس ولدك اذا بال لله بكرمك يبكي يعني البول يحرقو اذا كان نعم فيجب ان تعرضيه على اختصاصى والفائدة من الطهارة او الختان هو ازالة الجلدة الزائدة يعنى اذا لسى باقية فهذا يعني ان الختان ليس جيد اعرضيه على اختصاصى اما عن التخدير الكلى فلا تقلقى لانه راح يكون معاه اختصاصي تخدير ربى يشفيه وما يشوف شر ***** لله
يامغيث اغثهم اغثهم اغثهم بنصر من عندك يالله






حياك يا |أم لطيف..
الله يسعدك يارب..
لا ما يتألم ولدي إذا بال والجلدة لسا موجودة وعشان كذا حنا بنعيد الختان..
أنا حيرانة وين أوديه أخاف يتأذى بالذات إذا راح لدكتور مش كويس..
جزاكم الله خيرا..


الساعة الآن 04:55 .