انا مليت من اللحوم بكل انواعها وطبخت غداي
كشري
وطبعا طريقته معروفة للجميع
02-03-1426 هـ, 08:17 مساءً
 
أنا أمس طبخت محشي خضار مشكلة
واليوم عملت مقلوبة خضار لأن الخضار عندي جديدة

وعملت فطاير سبانخ بنوعين عجينة بر ( دقيق أسمر معها فلفل حار )
ودقيق أبيض عادي
والله يعين مابعد فكرت لبكرة
02-03-1426 هـ, 09:28 مساءً
 
انا امس كنت محضرة صدور فراخ عملتها بانية تبلتها بالثوم والبص والملح والفلفل
و قليتها بالسمن والزيت معا بعد غمسها فالبيض والبقسماط
ومعها مكرونة حمراء بالصلصلة الايطالية وواللحم المفرومة يعنى شوحت بصلة مع فصين توم وحتة فلفلة خضراء واضفت لهم الطماطم والزعتر والملح ولما اتسبكوا اضفت المكرونة المسلوقة والعصاج
زوجى مابيحبش المكرونة بس بيحبها بالطريقة دى
فاضل عندى فراخ بانيه من امبارح فالنهاردة بفكر اعمل معاهم محشى بطاطس باللحمة المفرومة
03-03-1426 هـ, 08:51 صباحاً
 
عزيزتى pelican
المشرفات ضموا موضوعى وموضوعك

عامة انا لو ممكن تقوليلى ازاى بطاطس المحشية دى وجزاكى الله خيرا

انا امبارح عملت رز بالبسلة وكفتة فراخ شفتها يوم الاحد فى منال العالم

وانهاردة هسوى فراخ مشوية من المنتدى وبفكر اعمل ايه معاها

ممكن اعمل المكرونة بالصلصة دى لانى بعمل صلصة عادية مش زى دى
03-03-1426 هـ, 12:17 مساءً
 
ميرسي للمشرفين انهم ضمونا مع بعض يا باشا
وعموما البطاطس تقوريها و بعضين تشوحيها على النار فمعلقتين سمنة من كل الجهات احرصى على ان لونها يصفر شوية وبعد لما تبرد احشيها باللحم العصاج و دقى فصين توم وحطيهم معاها فالصينية و صبى عليها كوب عصير طماطم والملح والفلفل و حطيها على النار لما تغلى وطى عليها وسيبيها تستوى على البوتاجاز ولما تستوى خالص دخليها الفرن تحت الشواية تاخد لون بالهنا والشفا
انا بقى محتارة اطبخ ايه النهاردة يا ترى ؟؟؟؟؟
اشوفكم لما اقرر
04-03-1426 هـ, 08:55 صباحاً
 


الساعة الآن 10:23 .