طبعا ممكن اقولك
بصى الشيش طاووق أنا بعمله بصدور فراخ مش أفخاد لانى مش بحب الافخاد
بتبلها ب زبادى وكركم وثوم وشوية جنزبيل وشوية كارى لو عاوزة وملح وفلفل
وبسيبها شوية من الصبح ل آخر النهار مثلا
وبعدين بحطها فى أسياخ خشبية مع بصل وطماطم وفلفل يعنى واحدة طماطم وواحدة بصل وواحدة لفل وبعدين قطعة فراخ وبعدين خضار تانى وفراخ وبعدين خضار
أو بترتبيهم زى ما انتى عاوزة
وبحطهم على الشواية أو بدخلهم الفرن لو مش فاضية

والرز بالكارى عادى جدا زى الرز الابيض بس بتحطى مع المية شوية كارى وشوية كركم بس كده
08-05-1426 هـ, 11:18 صباحاً
 
أنا انهاردة ان شاء الله هعمل ملوخية ورز وفراخ محمرة وكشك وصلصة (ليا لانى مش باكل الملوخية والرز)
08-05-1426 هـ, 11:20 صباحاً
 
لا كدا هنختلف يا ام لوجينا دا انا بموت فالملوخية بس بالعيش
انا النهاردة عملت بيتزا بالفرانكفوتر على طريقة هالة لبنان فعلا الوصفة جميلة جدا
09-05-1426 هـ, 09:58 مساءً
 
معلش بقى أنا مش بحبها أو مش بحب أكلها

لكن زوجى مش بيحب ياكل عيش كل حاجة بالرز شغالة

انهاردة هعمل فراخ مشوية ومش عارفة أعمل معاها رز ولا مكرونة
10-05-1426 هـ, 03:22 مساءً
 
طيب قوليلنا عملتى معاها ايه ؟؟
بالف هنا
انا النهاردة عندى كسكسى حماتى بعتالهولى و فراخ محمرة انا اللى عملاها طبعا
12-05-1426 هـ, 10:13 صباحاً
 


الساعة الآن 10:20 .