أنا ماما قالتلى على طريقة شاورمة وطلعت لذيذة أوى
بتجيبى اللحمة وتقطعيها slices رفيعة أوى
وتقطعى معاها بصل كتير وملح وفلفل وشوية خل وشوية لمون صغيرين
وتسيبها فى الثلاجة يوم أو اتنين
وبعد كده تحطيها على النار هتنزل مية كتير وهتشربها وبعد ما تستوى خالص والمية تنشف هتتحمر شوية كده زى الشاورمة الجاهزة بالظبط وتقطعى معاها طماطم قطع صغيرة وبقدونس
وبالهنا والعافية أحلى شاورمة من صنع ايدك

ولو عاوزة روابط لشاورمة هنا على المنتدى فيه كتير لو عاوزة أحطهملك
19-05-1426 هـ, 11:00 صباحاً
 
حبيبتى peli معلش اسمحيلى أنا مش ليا فى الاكل المصرى الصميم ده

مش بعرف كباب حلة دة بيتعمل ازاى

وكمان فى أكلة سبهها اسمها كمونية برضة مش بعرفها
19-05-1426 هـ, 11:03 صباحاً
 
حبيبتى ام لوجينا العسولة كباب الحلة علشان خاطر عيونك(فكراكى شريهان)
تقطعى بصل صغير كتير جوانح او دوائر كما تسمونها وتشوحيه فالسمنة وتضيفى فصين توم مدقوقين و بعدين البهارات والملح والفلفل و اللحمة وتسبيها تنزل ميتها و تشربها على نار هادية تستوى و تاكليها بالف هنا لو تحبى ضيفيلها فلفل وطماطم قبل ما تقفلى عليها

اما بالنسبة للكونية فادى حاجة تانية خالص ومن الحاجات اللى عارفاكى مش هتحبيها
الكمونية هى كرشة الخروف
تقطعيها صغيرة اوى طبعا تنضفيها كويس يعنى تجرديها بالسكين لحد ما تبقى قشطة وبعدين تنضفيها بالمية والخل
ولما تقطعيها حطيها فحلة على النار واسلقيها نص سليق
وبعدين قطعى الكبدة والقلب والكلاوى والمصران اللى هو الممبار الواسع التخين قطعيهم فحجم الكرشة وضفيهم للكرشة وزوديهم مية و رجعيها على النار لحد ما تحسى انها خلاص هتستوى
حطى طاسة فيها زيت على النار و قطعى نص كيلو بصل وشوحيه وبعدين حطى عليهم عصير طماطم والبهار والملح والفلفل والكمون وبعد ما تتسبك حطى الكرشة وكل اللى كان معاها فالتسبيكة وسيبها على نار هادية لحد ما تستوى خالص
وبعدين خلاص قدميها مع مخلل علشان يعدل نفس اللى هيكلوا

النهاردة كان الغدا جلاش مطبق وفراخ محمرة
بكرة ايه؟؟
19-05-1426 هـ, 11:26 مساءً
 
zeireda ميرسي علي طريقة الشاورما انا كمان بعملها كدة بس كنت حابة اعرف لو في طريقة تانية مثلا ......

كباب الحلة بيبقي يجينن مع رز ابيض ............

و انا النهاردة هاعمل ملوخية ورز و فراخ مشوية في الفرن ........

و انتم يا بنات ....
20-05-1426 هـ, 02:34 مساءً
 
حبيبتى peli
مرسى على الكباب الحلة جدااااا
لكن الكمونية ماما بتعملها كده شبه كباب الحلة خالص بس أنا مش بعرفها
غالبا أنا كنت كتباها عندى بس مش بعملها هدور عليها وأقولك
انهاردة ان شاء الله هعمل همبرجر بطريقة لذىذة أوى الشيف مرة جبها
وعمل مكرونة بيضا والصوص جمبها واللحمة المفرومة فوق الوش

وامبارح كان فاصوليا ورز ولحمة محمرة
20-05-1426 هـ, 02:51 مساءً
 


الساعة الآن 10:10 .