السلام عليكم ورحمة الله وبركاته :-
كيف الحال ياحبيباتي طبعا اكثر الناس يعانوا من القمل بسب العدوى من المدارس بصراحة انا تعبت مم بناتي مرة بسب القمل جنني ماخليت شامبو ولاخلطة ماحطيتها مافاد فيه شئ المهم شافتني الشغالة وانا اخاصم بناتي ومقهورة مرة من هالقمل وابوهم خلصت فلوسه على تنظيف هالشعور المهم قالت مدام انتي ليه ماتحطي كريم حق ناموس في شعر بنات هذا كريم ناموس مررررة هلو يسيل كلو كمل اهنا في اندونيسيا هطي في شئر بعدين شئر نزيف ههه طبعا لما قالت هالكلام قلت هين يالحبيبة ودك تقرعين هالبنات ويطيحون في كبدي وطنشتها
المهم مع ايام الشتاء اللي فات الا ابو الشباب جايب كريم الناموس طبعا مكتوب عليه صنع في اندونيسيا طبعا الشغالة على طول قالت مادام هذا كريم اللي انا كلمتك عنه المهم وبدأت نصايحها والله وطقت في راسي انه اسويه للبونيات طبعا بعد مافكرت انه ان شاء الله مافيه ضرر لانه يستخدم للاطفال وعلى جميع مناطق الجسم فقلت اكيد مافيه ضرر المهم سميت بالرحمن وفلت للشغالة يالله سوي شعورهم لأني بصراحة وراي دوام ومابغى القمل ينتقل لشعري ههه همك الدوام بس المهم وحطته الشغالة في صحن وحطت عليه شوية مويه علشان يكثر شوي لانه بناتي شعرهم كثيف ماشاء الله المهم دهنت شعورهم ومشطتها وحطت الكيس وربطته بشيله وبعد ساعتين غسلته
النتائج:-
والله يابنات اول ماحطت الكريم الا والقمل في يدها وعلى رقبة البنت وعلى ملابسها شئ خيال والشغالة فرحانة تقول هه مادام سوفي سوفي الله اكبر الله اكبر على بالها جهاد هههه والله يابنات شئ مايصدق وبعدها دخلوا الحمام بعد ساعتين وغسلو شعورهم وبعد ماخرجوا مشطت شعورهم خرج قمل لااله الا الله كبير وصغير الله المستعان خرج دايخ مرررة وبعد ها استلمت شعورهم بالستشور السراميك علشان البيوض والحمد لله صارت شعور بناتي نظيفة بعد معاناة وقررت اني استخدم هالكريم اسبوعيا لأنه اكيد راح يرجع اه ياكرهي هالمدارس هي السبب في هالبلية
طبعا لمعلموتكن انه الكريم فيه منه رائحة البرتقال وهذا انا اللي استخدمته وفيه رائحة الورد
ملاحظة :-
عند غسيل الشعر ابقي عينيك مغلقة ( حلوة هالنصيحة)
طبعا اكيد فيه احد راح ينط ويقول القمل بسب الوساخة وانا اقول ابد انا ممن عانيت مع بناتي للدرجة اني استخدم لهم شامبو القمل على طول بدل الشامبو العادي
طبعا ياكثر طبعا في هالموضوع المهم سعره بخمس ريال يابلاش
واخيرا مابغى سوى دعوى في ظهر الغيب
والسلام عليكم ورحمة الله وبركاته
وسن الجنوب @osn_algnob
عضوة فعالة
يلزم عليك تسجيل الدخول أولًا لكتابة تعليق.
um jna
•
معلومه خطيره جزاك الله خير
الصفحة الأخيرة