مشاكلي في اول سنة للزواج

السلام عليكم ورحمة الله و بركاته

بغيت استشيركم في بعض الامور و اتمنى تعطوني من وقتكم

صار لي 9 شهور متزوجة .. زوجي أكبر مني بشهرين فقط
الحمد لله هو انسان حنون و طيب

مشكلتي معاه ... إني ماأحسه مهتم بحياتنا ولا مهتم فيني وفاحتياجاتي
ما يعطيني من وقته .. يعني وقته للدوام و للتلفزيون و النوم
حتى لو فاضي مااا يتفيج يطلعني حتى زيارتي لبيت اهلي مع انهم قريب منا احيان يأجلها و السبب انه مب متفيج
و هالشي سبب حساسية من صوب اهلي اهله ... ابوي عزمنا قبل جمعتين و زوجي كلمهم قدامي و قال انه بنسير ... فنفس اليوم غير رايه و لا عطاهم خبر
طبعا ابوي زعل وعذره لانه صغير و يقول مه الوقت بيتغير

اليوم الي عقبه اهله قالوا يبون يسيرون بيت اهلي ( لانهم معارف من زمااان) على طووول ودانا
و امي زعلت علي تقول مفروض ما تين .. كيف اليوم الي قبله ما ييبج العزيمة و اليوم عشان اهله يايبنج
الخميس الي عقبه كلمته يوديني بالجمعة مااا طاع قتله اهلي زعلانين مني قال انتي على ذمة رجال و مالهم حق يزعلون
الجمعة على أذان الظهر دخل و يقولي : مب انا قتلج امس ما بنروح بيت اهلج ليش عيل اتمين تتكلمين و ادخلين اهلي قلتله : ما كلمت احد
قال : عيل امي كيف درت و الحين تكلمني اوديج
المهم زعل و طلع
و الله اني ما شكيت لامه ، بس هي عرفت السالفة يوم راحت بيت اهلي و تعرف انهم زعلانين

و قعد زوجي بعدها 3 ايام ما يكلمني و انا كنت اصلا زعلانه و مب ناويه اكلمه
لاني قررت اطنشه .. ولااا عاد اقوله يوديني بيت اهلي لاني كل ما اقوله يقولي توج رحتي و ماله داعي وووالخ
و اذا قال لي بوديج ما بطيع بقول مالي نفس و ماابا اسير لهم
لاني احس اني منزل من قدري و مااا مسوي لي سالفة

المهم عقب ال3 ايام كلمته ليش زعلانه قال: انه ما صدقني اني ما كلمت اهله و الله يا بنات اني ما توقعت هذا سبب زعله كنت متوقعه على شي 2
و انصدمت من كلامه و قال يا كلمتي امي يا خليتي حد من اهلج يكلمها

زعللللللللت من كلامه و تميت مقهووورة و مصدومة
و كلمته اني انا بعد زعلانه من اهماله لي و انه ما يطلعني و اذا بغيت شي يتاجل لاجل غير مسمى وانه ما يعطيني من وقته ...يسهر ع التلفزيون لين اييه نووم وعقب يرقد تقريبا 3 او 4 الفجر وانا اكووون نااايمة قبلها بوااايد


كان عنده اجاززززة من الدوام يومين فقلت فرصة نطلع نتمشى فالجو الجميل و آخذ اغراضي ال اباها
اقوله بخلص هالشغله و نظهر قال: خلي الطلعة باجر
و الله من القهر قمت اجهزت وقلت بظهر ويا اهله الحديقة القريبة من البيت و احسن شي مااا اسويله سالفة و ارفه نفسي و اعيش حياتي بدون ماافكر و لا انتظره يظهرني

لما شافني زعلت و قمت اجهز سالني انزين وين تبين تروحين
قلتله عادي بس كنت ابا اخذ اغراض و خلاص باجر لاني واعدت صديقاتي ايون الحديقة وظهرت

اليوم 2 :::: امه و خواته قالوا يبون يسيرون الحديقة و يبونه يوديهم
قلت مب مشكلة ما بينسى كلمته بيحطهم و نحن نظهر

تخيلوا ... حطهم فالحديقة و وداني الجمعيه القريبه منها
شووو آخذ منها .. من متى انتظر يفضى عشان نظهر و اخر شي الجمعيه و يقولي بسرعة وما بوديج مكان 2

و ردينا الحديقة و انا ميته من القهر ... عقب المغرب اقوله قوم بنمشي قالي خله قاعدين احسن و نحن قاعدين مع خواته
اقوله قوم بنتمشى الجو حلو قالي خلاص امي تمشي سيري وياها

ما قدرت اكلمه اكثر و اقوله لو ابا بمشي بروحي بس انا نتمشى ويا بعض بس خواته موجودات

خذت نفسي و قمت ..
ردينا البيت و قعد عالتلفزيون و انا رقدت
يا الساعة 3 و نص و كان يباني .. قلتله ((( توك تدري انه عندك حرمه))) : قالي شوو قلتي عيدي
قلتله نفس العباره
سحب ايده و مسح شعري و سار طرف السرير و رقد

عطووووووووووووووووووووني رايكم بليز شووووووووووووو اسوي الحين
ما اكلمه ... اطنشه

و الا شووو اسوي

الانتقادات رجاااءا مااباها ابا حل .. ابا حد يفهمني كيف اتعامل معاه