بحكيلكم سالفه صارتلي زمان تعالوا

مافيني نوم الليله وتذكرت سالفه صارتلي يوم كنت عروس








بعد زواجي بكم اسبوع سافرت مع زوجي لديره بعيده عشان عمله انا واهلي واهله بالطايف والديره الي صرنا فيها ورى تبوك :( وكانت شقتنا في الدور الثاني والجو على نهاية الشتاء ودخول الربيع زي كذا يعني حلو وهواء يرد الروح وكان زوجي ليلتها مناوب ومابيجي الا بعد 24 ساعه المهم يوم جات الساعه 8 الليل حطيت راسي ونمت وكنت فاتحه الشابيك حقت الغرفه ماحسيت الا انا نمت وماكان فيها شبك ولاحواجز زي الفنادق يعني وبعد ساعتين من نومتي صحيت على صوت ريااااح قووووووووووووووويه والله عمري ماشفت زيها سبحان الله والستاير تطايرت وكل شي بالغرفه تقلب وتكسر والله كأنه اعصار دخلها تخيلو اصحى على رياح بهالقوه والكهربه طفت معاها وامطار قويه ورعود وبروق حتى الباب حق الغرفه مااشوفه عشان اهرب والديره هاذي مهجووووره ومافيها ناس كثار والعماره كبيره بس فاضيه الناس مأجزه مابعد رجعو بيوتهم بس جارتي مقابله لبيتي وكانت الساعه تقريبا 11 الليل واجري جري ادور باب الخروج من الشقه مدري وش كنت احس فيه وليش فكرت اهرب هههههههههههه:hahaha: والله يابنات انه منظر مامر علي يخوف صوت الرياح على اشياء تخيلتها وديره مهجوره وحالتي حاله واخيرا لقيت الباب واخذ عباتي معلقه ورى الباب وانطلق على باب جارتي واكسره وبسرعه فتحت وانفجعت مني تحسب عندنا مصيبه:44: قالت وشفيك يابنت الحلال وانا مااشوفها ولاتشوفيني واحضنها وتحضني وعيالها ضايعين بينا وتقولي لايكون تطلقتي والا اهلك فيهم شي ههههههههههههه ياحليلها ماتدري اني بوادي ثاني قلتلها خلوني عندكم اخاف البيت فيه اشباح حاسو غرفة النوم ويلاحقوني
تخيلو يابنات كل هاذا سويت وانا موب في وعيي انطلقت من السرير لبيت الحرمه وبعد مااشتغل الكهرب على الفجر استحيت على وجهي وخجلت بس والله ماكنت حاسه بنفسي كنت في اللاوعي وتخيلت اشباح وحاجات تلاحقني يمكن عشان صحيت على صوت الرياح وانفجعت مدري بس للحين اتذكرها وقبل شوي جاتني رساله من جارتي هاذي وذكرتها وجلست اضحك قلت اضحككم معاي ههههههههههههههههههه ادري ماعندي سالفه بس دايم تحصلي مواقف خاصة مع الشقق المفروشه مره اخذنا شقه مفروشه في جده بعد يوم كنت عروس:icon33: وانا من طبعي مااقدر انام في المفروشه لو يقطعوني سبحان الله يطير النوم واجلس صاحيه الين نطلع منها ونام زوجي ليلتها وانا مثلت اني نايمه عشان لايقعد يسألني ولما نام جلست اتفرج على صور بالجوال وبعد شوي اسمع صوت حاجات في البلكونه زي كأنها رياح تقلب الاغراض وتسحب العلب رحت فتحت شباك البلكونه مافيه رياح والباقي يخرع ماابي احكيه عشان ماتخافون المهم اني فضفضت وانتو استمتعتو بحكايتي وابي تعليقات حلوه يابنات مانبي ثورات وهواش فديتكم:39:

على فكره ترى انا عجوز الحين وعندي 5 عيال الله يصلحهم