وان شاءالله تعجبكم لان كل المكونات متوفره وبرضه ان شاءالله تحبونها
ماادري وش اسمي الطبخه هذي لكن نقول دجاج بالصلصله الخضراء هههههه
او دجاج بالباشميل الاخضر ^_^
المهم الطريقه مو الاسم
بسم الله نبدأ بالمقادير بالطريقه مااعرف افصلهم عن بعض
باحطها بالتفصيل تابعوني
اول شي تجهزين قدرين
الاول تسلقين فيه الدجاج فيه استخدمت نص دجاجه حسب عدد الافراد
+ ملح
,,
القدر الثاني تبدأين الكشنه المميزه
علما ان التقطيع مو مهم بتنسيق معين لان بالنهايه بنطحنها :)
نحط اول شي زيت نباتي + بصل
وبعد ما يتغير لونه ويبدأ يشقر تضيفين 3 او 4 فصوص ثوم مقطعه او مهروسه + فلفل رومي
قلت مو مهم التقطيع لان بالنهايه بنطحنها وخلي الثوم لحد ما يشقر و الفلفل الرومي راح يتقلقل شوي لين يتغير لونه
عشان تطلع الطعمه الذيذه ^_^
تاخذين الآن مقدار مغرفتين من المرقه اللي تنسلق فيها الدجاج
وتضيفينها + كميه من البازلا
بصراحه مااتقيد بمقادير لكن ممكن توصل لنص كاسه
اضيفي في هالمرحله البهارات المتوفره ماعدا الكركم والهرد ابعدي عن اللون الاصفر
عشان يصير لون الصوص هذا اخضر
اضفت بعد ذلك مقدار ملعقتين كبيره تقريبا من الكزبره وممكن بقدونس بس عشان
تطمنين ان الصوص بيطلع اخضر تمام
وخليها تنطبخ لحد ما تذبل البازلا وحطيها بالخلاط الكهربائي
طبعا اكيد راح تطحنينها وتصير زي كذا
وفي نفس القدر سوي باشميل قليل انا كثرت بس مو مشكله ههههههه
حطي مقدار زيت واضيفي ملعقتين دقيق وخليه شوي واضيفي مقدار (كاستين مويه فيها 6 ملاعق حليب بودره)
او اي طريقه انتي معتمدتها بس هذي طريقتي وخليه ثقيل الباشميل زي كذا
بعد ما يصير الباشميل ثقيل اضيفي اللي بالخلاط على الباشميل
يتبـــــــــــــــع
,,
الحين خلاص الدجاج نضج نشيله من المرقه
ونحط مكان المرقه الرز عشان نسوي طبق جانبي رز ابيض
وبعد ما نخلط مزبوط الباشميل بالخلطه اللي بالخلاط نضيف قطع الدجاج
ونخليها لحد مايثقل مزبوط ونغرفه في صحن التقديم
ويصير صوص ثقيل زي كذا
ونقدم معه الارز الابيض
بس انهرس زياده الرز لاني اول مره اجرب بسمتي فماعرفت طريقته
وبالهنا والعافيه
وطبعا قدمت مع الاكل خبز وصرنا ناكل الدجاج بالصوص الاخضر بالخبز
ونسينا الرز هههههه
وبصراحه بالخبز ألذ ألذ
وبالعافيه عليكم
اتمنى يعجبكم طبقي :)
دايم استفيد منكم واتمنى تستفيدون مني لو بجزء بسيط من الفكره
وبسـ وسلامتكم
بكل الود
حبيبهـ زوجها :)