السلام عليكم ..كيف الحلوات ..؟ عساكم بخير ..
بغيت مساعده منك اسعدكم ربي ...
ولدي الغالي خلودي الله يحفظه ويخليه لي واللي يحب هالقسم وكان متاابع لكم بس دخل المدرسه واشغلته عنكم
المهم بكره بالتمهيدي بيسوون لهم حفله بمناسبه الجنادريه
ومعطينهم اعلان بالسجل ان الاحتفاليه بكره ومخيرينهم يلبسون لبس شعبي واللي وده يجيب طبق شعبي يجيب
فاودي افرح ولدي بطبق شعبي بسيط ماياخذ وقت وسهل بنفس الوقت ..واحيان اقول مو لازم وش رايكم ..؟
واذا تشوفون اني اسوي هالطبق ياليت لاهنتم كل وحده تدلي بدلوها طبق شعبي سهل جدا ..
وجاي على باي اخذ له كليجه ومعمول جااهز تناسب ..؟
وعطوني افكار للبس شعبي غير الدقله والثوب
كل الشكر والتقدير لمن تقدم اللي عندها او تمر هنا ..
للتنويه صاحبه العضويه الاصليه استغنت عنها من اول تسجيل العضويه لكم وحده من الاقارب
رفع
الله يخليه لك ويصلحه ويجعله من حفظة كتابه اجل اشغله التمهيدي عنا هههه

شوفي من ناحية اللبس مالك الا هالدقلات لكن حاولي تكون شكلها غريب

ولدي يوم كان بالتمهيدي ينهبلون عل لبسه باسم الله عليه ومدرسته تسالني من وين

كان دقلات وكل مره بشكل احلاهن الي تكون اسود بذهبي وفوقها زي الحزام فيه خنجر

وتحتها الثوب اللي تكون اكمامه طويله ما ادري وش يسمى معه غتره وعقال اللي يكون فيه ذهبي مره روعه

والاكل اتذكر ببنتي بالشعبيات حطيت لها بسله معمول انا مصلحته وعطيتها صندوق خوص بداخله شوكولاته الجنيهات طلع روعه

وممكن تسوين جريش او قرصان او كليجا



رفع
مرحبا
اذا روحتي مع ولدك حافظه بتثقل عليه ولازم يرجعها وحاله

اشتري سله من الشكل القديم ماادري ايش اسمها اتوقع زنبيل وعبيه كليجا ومعمول





يارب انحف واكون رشيقه


الساعة الآن 05:02 .