اب

يامحبه انا حاسه فيك والله لاني عانيت نفس معاناتك بس الحمد لله ربي عافاني اسمعي قصتي ونصايحي انا كان وزني 39 وانا في اول سنه في الجامعه وتزوجت ونحفت اكثر يمكن وصلت ل37 وكل ماخرجت يقولون الناس وشبك نحيفه واحس في عيونهم استفهامات يمكن ماهي مرتاحه مع زوجها بسم االله اش ذاك النحف مافي اكل في بيتكم ومن هذا القبيل الين حضرت زواج سلفتي والكل يسالني اشبك اشبك حتى الفستان شكله عليه غلط بعدين انقهرت وانحرقت ومت من جواتي من كلام الناس وعزمت اني اسمن وغيرت روتين حياتي واكلي وصحيتي ومقاضي بيتي كمان اول شي استخدمت حبوب ميسيجور 3مرات في اليوم قبل كل وجبه بنص ساعه وصرت اصحى من 8 تقريبا عشان افطر
الفطور كنت افطر 2صامولي وجبن وعصير والساعه 11 اكل حبه تفاحه والساعه 2 اكل رز كثير واركز على الرز بس الين احس ماعد فيني اتنفس وبعدها اكل كاسه كاسترد وفواكه على كيفك المهم انك ماتاكلين شي الين تكتفين رز وبعد الغدا نامي لو ساعه اذا صحيتي كلي تمر وطحينيه بكثره اقل شي 12 تمره وحلى وشكلاته وكيك المهم كثري سكريات وبعد المغرب سويلك صامولي وجبن وعصير وبعدين كلي حبه موسيجور عشان يجيلك نفس في العشاء العشاء ركزي على النشويات كلي قرص كامل شامي على اي شي وكلي بطاطس مقليه او صحن مكرونه وبعده بساعه كلي تفاحه او اي شي خفيف وحاولي يكون بطنك دائما مليان وماتاكلين على جوع كلي وانت شبعانه المهم حاولي تاكلين 3وجبات اساسيه و3 خفيفه
قبل تنامين اشربي كاس حلبه اغليها وخليها في ثلاجه وقبل تنامين اشربي كوب ونامي وهكذا ركزي على المقليات والنشويات والسكريات وحاولي تنامين بعد الغدا وباذن الله تسمنين انا جلست على هذا النظام تقريبا 5شهور وزاد وزني الى 52 كيلو تغيرت نفسيتي وزوجي مبسوط ودبشت من جديد كل ملابسي ضاقت على وصرت احب اخرج عشان الناس كلهم يمدحوني يقولون ماشاء الله تغيرتي احلويتي سمنتي
والله يوفقك وان شاء الله اكون افدتك بس دعواتك لي ربي يرزقني بالذريه الصالحه لي 5 سنين ماحملت