بمووت من تعب و ارهااااق .. الحقونييي جسمي ما ادري ايش فيه

مرحبا اخوات انا حامل في شهر السادس 25 اسبوع حاليا ..
و كنت حاسه اني اتعب كثير في بدايه و كنت اقول عادي اعراض حمل و تعب الدوام و دراسه ..
لين قبل يومين عملت تحليل دم قالوا لي عندك فقر دم و نقص في الحديد و صفوا لي حبوب حديد و اخذتها ...
و الحين جد بديت احس بتعب مدري بديت اثقل و لا جد تعب ..
عظااامي كلها اصير ما اقدر احركها و احس اني بموت من الم و لا اقدر امشي و ظهري كله بألمني بس ابي انام ..
 و طول الوقت تعباااانه حتى ما اقدر اتحرك من سرير احس جسمي مكسر .. لين ما يجي موعد حبه الحديد و اخذها اصير شويه احسن و اقدر اتحرك شوي و الم بعده موجود بس خف كثير عن اول .. بس اليوم الثاني يصير نفس شي تعب و ارهااااااااق لين موعد الحبه .. .


و موضوع ثاني ..
يوني احلل حق سكر الحمل فعطوني ورقه حاسبين فيها القرامات في جميع انواع الاكل و قالوا لي قبل 3 ايام من تحليل ما تاكلي اكثر من 165 قرام
يعني 3 ايام قبل تحليل اكون ماشيه عليها و انا موعدي حق تحليل يوم الثلاثاء يعني من بكره ان شاء الله ابدي فيها ..
بس انا بديت من اليوم خخ قلت لو كان فيني سكر يمه اخاف منه لانه عدنا وراثه بالعاليه الله يستر علينا و عليكم ..


الزبده ...
اني كل يوم اصيح و ابكي لي زوجي و اقول له ما ابي اولد قيصري و لا ابي اولد مبكر و اقعد اقرا في هل منتديات عن اعراض فقر دم لي الحامل و ايش ممكن يسوي و اجلس ابكي و ميته من الخوف و تعب و ارهاااق
الحين اكتب لكم الموضوع لانه توي ماخذه الحبه قبل شوي فيني شوي طاقه.. ما ادري بعد كم ساعه ايش بصير فيني