Analysis Services
دجاج مشوي بالفرن مع السلطة الفرنسية والأرز الأبيض



اول شيء الدجاج المشوي عندي تتبيله للدجاج الجيران يشمون ريحتها وتخلي الدجاج قمه في الطعامه واللذه وهي عباره عن (كزبره خضراء مقطعه تقريبا نصف كاس + ثوم مفروم + نصف بصله مفرومه او مبشوره + زيت زيتون تقريبا فنجال شاهي او زيت عادي + بهارات انا احط مهران كاري شوي بالاضافه الى الكمون والفلفل الاسود + ملح + نصف ملعقه صغيره صلصه +ليمونه معصور ه + ملعقه صغيره زعتر بري (اوريغانو) وملعقه صغيره ريحان (بيزل) والاثنين يعطوا طعم ونكهه شئ خيالي )

هذي التتبله رووووعه ممكن تستخدميها مع كثير وصفات في تتبيل الدجاج او

السمك المشوي




انا تبلت الدجاج كامله بدون ماشقها من النصف وكان عندي بطاطس صغار مره بحجم الاصبع الصغيره وماكنت عارف ايش اسوي فيه المهم قشرته وحشيت الدجاجه من جوا تقريبا خمس حبات وكثرت تتبيله من جوا وحطيت الدجاجه في صينيه مفروشه قصدير وطولته عشان اغطيها من فوق وفرشت تحت الدجاجه حلقات بصل وفلفل رومي وحطيت على جوانب الدجاجه باقي كمية البطاطس وكبيت في الصحن كاس ماء وكذا انتهينا وغطيت القصدير باحكام عشان تنكتم مظبوط ودخلتها الفرن لمدة ساعه وشغلت عليها من تحت وفي الخمس دقايق الاخيره فتحت القصدير وحمرتها من فوق ويالله على الريحه تهوس وهذي صورتها منسدحه في الصحن ...






وبعدين سويت سلطه فرنسيه ( اموت على هالسلطه مرررررره لذيذه وكل ماطولت بالثلاجه طلعت احلى )

وطريقتها سهله

المقادير : حبه فلفل رومي مقطعه مكعبات صغيره ممكن تحطي الوان تطلع احلى في الشكل
حبه خيار او حبتين على حسب الحجم برضوه مقطعه مكعبات صغيره
شوي بقونس مقطع صغير تقريبا نصف الكاس
حبه خس مقطعه
ذره معلبه + فاصوليا حمراء معلبه طبعا تغسليها زين وماتكثري يعني نصف العلبه تكفي هالكميه
مكرونه مسلوقه

ونجي للصوص وعباره عن :
( علبه زبادي او علبه ونصف + ملعقتين مايونيز_+ ملعقه كاتشب + زيت زيتون+ ملح + شوي كمون + ليمون معصور + وشوي نعناع مفروم )

نجي للطريقه تخلطي جميع المقادير السابقه مع بعض وبعدين تضيفي لها الصوص اللذيذ وخليها بالثلاجه قبل التقديم بنصف ساعه وبعدين ذوقي الطعم اللي يهبل


هذي صورة السلطه




وهذا الرز الابيض وطريقته معروفه




والشطه المنزليه رووعه مع هالطبق وطريقتها للي مايعرفها تحطي زيت بطاوه بعدين شوي ثوم مفروم بعدين تحطي الطماطم المبشوره وتكون حمراء والفلفل الحار المفروم على حسب الذوق وملح وشوي كمون ونقاط خل وخليها تتسبك حتى تذبل الطماطم بعدين حطي الصلصه وخليها على النار شوي وبعدها خليها تبرد وحطيها بعلبه محكمه في الثلاجه وصبي على الوجه طبقه زيت زيتون حتى يحفظها من التأكسد

باللهناء والعافية



طبعا منقوله وانا طبختها امس وطلعت حللللللللللوه الحمدلله
20-05-1432 هـ, 08:43 صباحاً
 
وهدي الطبخة كمان مرررره حلوه

http://forum.hawaaworld.com/showthread.php?t=2513615
20-05-1432 هـ, 08:47 صباحاً
 
او سوي المسقعة لذييييييييذه


اطباق النخبه
--------------------
المسقعه التقليديه
***************

6حبات باذنجان
2حبه بطاطس
تسبيكة الدجاج وهي
2بصل مقطع صغار وملعقة بهارات وصحن دجاج مفروم و2 كاس طماطم مطحون وملعقة صلصه ومكعب ماجي وملح

الطريقه
البطاطس يقشر ويقطع حلقات عريضه ويقلى بالزيت

الباذنجان يقلم ويقطع عريض وتقلى

يعمل تسبيكة الدجاج ويوضع على السابق ويدخل الفرن لمدة ثلث ساعه
20-05-1432 هـ, 08:50 صباحاً
 
وانصحك تسوين كدا طبق والله يوفقك

ولا تنسي تدعيلي عندي اختبار بكره

وبشرينا اش الهديه

ههههههههه
20-05-1432 هـ, 08:52 صباحاً
 
رفع
20-05-1432 هـ, 09:18 صباحاً
 


الساعة الآن 12:09 .