السلام عليكم
اخواتي انا مثلي مثلكم متزوجه من 5 سنوات وماعندي اطفال ..بسبب اجهاضات متكرره ولا احمل بسرعه
قلت ماحد بيحس بمعاناتي الا انتم
(لاتشكو للناس جرحا انت صاحبه لايشعر بالالم الا من به ألمووو)
المهم؟:(
انا زوجي يحب الاجتماعات ويحب الرحلات الجماعيه وانا بالرغم من اني احب اروح مع زوجي لحالنا بعض الاحيان ولكن ايضا احب الاجتماعات والتعارف ..
ولكن انا مليت من الحريم اللي عندهم اطفال مع احترامي الشديد لهم ..
بحكيلكم اخر شي البارح رحنا رحلة شوي مع اصحاب زوجي وعوايلهم باستراحه
وكلهن ماشاالله قدي 25 سنه وعندهم 2 او 1 اطفال وانا انبسطت لانهم بنفس عمري وعاد بعد كلهن حوامل ماشاالله مع اختلاف الشهور
المهم والله عسولات كلهم وسوالفهم حلوه بس:09::09:
كالعاده ماتقول الوحده سالفه الا وقطعتها عشان تنادي ولدها والا بنتها
والا اكون انا اسولف على وحده وتجي تفز وتقطع سالفتي عشان بنتها راحت شوي بعيد..
وبالاخير قلت خلاص ماراح اتكلم وش هالملل كل السوالف صارت حروف متقاطعه :angry2::angry2:
وقلت لوحده ولدها شقي الله يصلحه وديه لابوه ولدك شوي كبير
قالت يارب يجيك ولد شقي ونشوف تودينه لابوه والا لا :22::22:
قلت ليته يجي بس ,,
والا الي طفشني اكثر انا الي قاعده اشتغل عشان كلهم حوامل وصعب يشيلون جالونات المويه وحتى وحده الله يهديها طول الوقت تتخدم فيني عشان اجيب ولدها عشانها ماتقدر تركض وطبعا باسلوب لبق ومؤدب تطلبني وانا مقدر ارد اللبقين:eek:
انا حسيت ان عمري13 سنه امس من كثر مااطامر :42:
واصب القهوه
لما رجعت البيت قال زوجي انبسطتي
قلت لاااااااااااااااااااااااااااااااااااااااااااااا:angry2:
المهم كان واعدني نسافر له شهر بس كان يستنى صاحبه يرد عليه عشان نسافر معهم خارج المملكه
وانا لي شهر احلم بهالسفره
وامس قالي صاحبي يقول حرمته حملت وعنده بزارين والسفر بيغثهم
وانقهرت قلتله وش دخلني انا فيهم انا ليه اعيش طفش الامهات وانا لسه ماحملت خليني اعيش حياتي قبل يجون طالما ربي عطاني اجازه ..
يااااااابنات اجتماعاتي دااااايم كذا مع امهات الاطفال
ماالوم الزوج لما يطلع من بيته لان الام مشغووووله كثير باطفالها ..
وانا قررت خلاص ما اروح الا مع بنات مو متزوجات عشان اجلس برواق ونسولف زي الناس ..
الحين ابي من كل وحده عاشت نفس وضعي تقولي كيف تتصرف وكيف ماتطفش؟؟؟
رافينا2010 @rafyna2010
عضوة فعالة
يلزم عليك تسجيل الدخول أولًا لكتابة تعليق.
رافينا2010
•
بنااااااااااااااات ولارد يعني بس انا الي كذا؟؟؟؟
رازان8
•
نفس معاناتي لما كنا نجتمع صرت اطفش مااحب الخرجات بس اجامل زوجي علشان مايزعل حتى لما يتصلون علي سلفاتي وماارد عليهم او اكون مشغوله يقولون لي من كثر العيال اللي عندك علشان تشتغلين وغيره من الكلام بس في الاخير صرت اطنش واخرج لإن العامل النفسي له دور كبير في تاخر الحمل وربنا يرزقك ويرزقني ويرزق كل محرومة بتوائم قد السنين اللي تأخرت فيها انه على كل شي قدير وهو ارحم بعباده
كثيييييييييييير هذه الحركات تحصل والله كرهت الطلعات لا وازيدك تقول قدامك شفتي اللي تزوجت معك عندها ثلاثة اقول راجعوا راجعوا طيب وقال الدكتور ماعندكم شىء استغفر الله طلعنا نسولف ونتونس لكن الله يفرح قلوبنا ياررب واللي عندها اجهاضات متكررة حللي عن فيروس الاسلاب طلع عندي هو اللي يقتل الجنين الله يشفني وكل مريض امين
الصفحة الأخيرة