لى عتاب بسيط على أخواتى العضوات حيث أن الواحدة تكن علم و معرفة بأفكار و حلول و مساعدات ثم تخبر السائلة أو المستفسرة بأن تفيدها بالاجابة و التواصل عن طريق الخاص أتمنى أن لا نحتفظ بالعلم و المعرفة لوحدنا أفيدها بأمة لا أله الا الله لأنكى سوف تحاسبين على علمك ماذا عملت به ،

أرجو من لديها أفكار عن مشروع السائلة أن تسردها هنا بدون بخل حتى تعم الفائدة على الكل و كله بثوابه و حساناته و جزاكن الله خيرا
08-03-1426 هـ, 11:48 صباحاً
 
اقتباس مشاركة  (toooteee)
الله يوفقك بس ياريت ماتنسينا اذا نجح مشروعك
تسلمين ياقلبي على مرورك واكيد اكيد ماراح انساكم
08-03-1426 هـ, 10:22 مساءً
 
اقتباس مشاركة  (شيمة شموخ)
اناىعندي افكااار مررررررررره حلوه
على الخاص
بانتظار افكارك ياااقمر
ويارب يسعد ايامكم ويوفقكم
08-03-1426 هـ, 10:25 مساءً
 
اذا كنت ِتعرفين في برنامج الفوتوشوب سويها بالفوتوشوب جدا روعه
حيث ان ما تحتاجينه اشياء بسيطة مرة كروت .. ورق مقوى .. طابعة
09-03-1426 هـ, 01:36 صباحاً
 
اختي انا مصممة .. مش بس في بطاقات الأعراس .. تقريبا في مجال البطاقات والمطبوعات عموما .. يعني Graphics Designer


شوفي اختيه بحكم خبرتي بوضحلج السلبيات وبعدين بخبرج عن الايجابيات .. وفي كل الحالتين .. أنا وايد احب شغلي مهما كان متعب .. أحسه ممتع ..


عموما .. شغلة التصميم جدا متعبه .. يعني لو بتسوين شي يدوي لازم يكون متطابق في 500 بطاقه أو أكثر ..

واذا على الكومبيوتر .. لا تنسين الحجم والوضوح والفكره نفسها .. ياخذون وقت ..
غير عن المطبعه وتكلفتها اللي ساعات توصل لمبلغ وقدره .. بس طبعا التكلفه تعتمد على فرز الألوان .. والتقطيع .. والحجم .. ونوعية أو خام الورق ..
وغير عن تكلفة التصميم يعني ..

وفيه زباين سبحان الله ما يعرفون شو يبون ويقولولج سوي اللي تبينه .. بس عقب يغيرون رايهم وانتي تتوهقين .. يعني مافيه إلا خيارين .. إنه يكونون لج زباين ثقه .. تسوين لهم كم ديزاين وهم يختارون واحد .. وبعدين تعدلين فيه .. وهذي اللي انا اسويه .. أو أنج تعرضين تصاميمج كلها على الزباين وتخلينهم يختارون ..
وبعد يوم تكونين انتي في بلد والزبونه في بلد لا تنسين تكلفة الشحن .. وصعوبة التواصل والتنسيق ..


يعني الحلو انهم يكونون في نفس الإماره ..
يعني عادي أنا من الشارجه بس اسوي حق دبي وعيمان لأنهم قراب ..



والإيجابيات .. إنه يوم تسوين شي روعه ما تتخيلين اشكثر تستانسين يوم تشوفين رد فعل الزبونه .. وكيف تستانس وتسويلج دعايه ..
انا الحمدلله عندي زباين ووايد تعيبهم تصاميمي .. يقولون غريبه ومبتكره ..
الحمدلله على كل حال ..



وعن اللي بتحتاجينه .. كل مره بيختلف اللي بتحتاجينه .. خلي عندج راس مال على ينب بحيث كل ما بغيتي شي تسيرين تشترينه .. واذا فكرة البطاقه احتاجت اشيا .. ممكن تاخذين دفعه مقدمه من الزبونه ..


واهم شي يكون عندج كومبيوتر من اسرع المواصفات الموجوده في السوق ..
وطابعة A3
والأشياء اللي تقدرين تقطعين فيها خام البطاقه ..
عشان تعرضينها على الزبونه كنسخه أولى ..
لأن معظم المطابع ما تقدر تسوي نسخه وحده بس من البطاقه من نفس خام القطعه اللي اخترتيه .. يعني هم ما يشغلون الطابعه إلا لكميه كبيره ..
فلازم تاخذين احتياطاتج ...
وتختارين مطبعه زينه وموثوق فيها ..



واذا عندج افكار مب عارفه تنفذينهم خبريني وبشرحلج
لأنه هالمجال وايد شااسع ..
فلازم تحددين نقطه على الأقل ..


اتمنى اني نورتج اختي ..
واتمنى لج التوفيق ان شاالله



09-03-1426 هـ, 07:26 صباحاً
 


الساعة الآن 10:47 .