Analysis Services
السلام عليكم ورحمة الله

خواتي انا طارحة هالموضوع عشان انبه على سالفة التحويل من بنك لبنك
ووصول الفلوس لصاحبها نااااقصة

طرحت موضوع قبل وهو عن المشكلة اللي تصادفني كلما وحدة من برع الامارات اتحوللي فلوس على حسابي في بنك دبي الاسلامي
توصلني الفلوس ناقصة
وماكنت اعرف شو السبب
ويزاها الله خير اختي """اخصائية نفسية""" اللي نبهتني لنقطة
وهي ان البنك يمكن مايكون له تعاملات خارجية

وسألنا البنك وطلع صح اللي قالته
وهو ان البنك تعاملاته الخارجية ويا عدد محدد من البنوك مش كل البنوك
وفي حال ان الشخص المحول للفلوس حول من بنك ماله تعامل مباشر ويا بنكي بتوصلني الفلوس ناقصة


عشان جي حابة اقول
للخوات التاجرات اللي حسابها في بنك دبي الاسلامي

او الخوات اللي يبون يحولون لحد حسابه في بنك دبي الاسلامي

لازم قبل التحويل تتأكدون انه البنك المحول منه يكون له علاقة دايركت (مباشرة)
ويا بنك دبي

وفي حال ان البنك المحول منه ماله علاقة مباشرة ويا بنك دبي فالفلوس بتتحول على بنك ثاني ومن هذاك البنك تتحول على بنك دبي
وبالتالي البنك الوسيط بياخذ عمولة
وفالأخير توصل الفلوس للتاجرة ناقصة

فلازم كل وحدة تبا اتحول تتأكد من ان التعامل بين بنكها والبنك المحول له يكون تعامل دايركت


وهالكلام ممكن بنطبق على كل البنوك مش شرط بنك دبي الاسلامي بس،،

لكن انا بما ان حسابي في بنك دبي حبيت انبه البنات اللي بيشترون شي مني
06-03-1426 هـ, 09:36 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كل البنوك حراميه لا اسلامي ولا ربوي عمولاتهم وايد وفوق هذا يتاخر في الوصول الويسترن احسن بالف مره فلوس كامله توصل وكاش تستلمها التاجره واضمن واسرع وسيله مافي مكان مافيه فرع له
06-03-1426 هـ, 09:58 مساءً
 
حياج الله حبيبتي بنت الكويت

بس الغالية ما نقدر نظلمهم لانهم قالوا ان البنك الوسيط هو اللي ياخذ العمولة
وهذا اللي ابا اوضحه في موضوعي
لانهم كذا مرة نسألهم يقولون نحن ما ناخذ شي

الويسترن يونيون حتى غالي انا سألت عن التحويل للندن (تحويل 2000 درهم) قالوا انهم ياخذون 160 درهم في البلاد غير العمولة اللي ياخذونها مني في لندن من 10 - 20 دولار

تقريبا نفس عمولة البنك
بس ميزته انه يوصل كامل وكاش بدون ما ينقص منه شي

وتسلمين عالمشاركة حبيبتي
07-03-1426 هـ, 01:37 صباحاً
 
تصدقين عاد الوسترن يونين اسرع ونفس السعر ..

يعني شركة الصرافه تاخذ مني 2 دينار عمولة تحويل والبنك الوسيط ياخذ 8 دنانير تقريبا ويوصلون باسبوع ..

احوهم على الوسترن يونين العموله 10 دنانير ويوصلون وانا واقفه عند الصراف ..

صح احسن ..واسرع واظمن ..

وتسلمون
07-03-1426 هـ, 04:11 صباحاً
 
انا بعد اقول ان وسترن يونيون هو الحل الاريح للكل
07-03-1426 هـ, 04:44 صباحاً
 


الساعة الآن 07:50 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏