مهي
مشكووووووووره يالغاليه
فكره حلوه بس ممكن تعطيني رقم الاتصالات
----------------------------------------------
أم عبود
بعد عمري والله
مشكوووووووووووووووووووووره وماتقصري
بس ما ابي اتعبك معي
معقوله فيه مصانع لكل هذا
انا ع بالي بس مصنع لملابس الاطفال و مصنع للبلاليز والقمصان

مممممممممممم شي حلو والله
عيل ابيهم موقعهم كلهم هههههههه

انا بغيت ملابس الاطفال عمر شهر - سنتين - اربع سنوات - 6 سنوات
(للشعب العماني كله) هاهاهاهاهاه لي ولخواتي

وبغيت للشيل والعبايات (بس مايبيعون جاهز ، لان التفصيل ياخذ اسبوع ع الاقل وانا بجلس 3 ايام بس

وفيه مصنع للملابس الداخليه (هذا فشيله ادخل فيه زوجي واخواني) دلوني شو اقولهم عشان مايدخلو معي واتفشل.

تعبتك ادري بس شسوي
بغيت بعد مكان الاثاث (اثاث مررررررررره حلوه بس شوي رخيص) بغيت اثاث للصاله(اذا عندك افكار بغيت شي جديد مرررررررررررررره حلو).
ادري طماعه
بس ماصدقت حصلت وحده حليوه مثلك


وايش بعد ايش ممممممممممممم عطيني كل اللي عندك
07-03-1426 هـ, 11:35 صباحاً
 
وينكم
08-03-1426 هـ, 07:53 صباحاً
 
السلام عليكم ورحمه الله وبركاته

اختي مواقع مصانع عجمان
خذي شارع الشارقه عجمان وعند الاشارات حذال سبلاش خذي يمين يعني قبل الاشارات دخلي يمين وبعدها بتلاقين دوار صغير خذيه يسار وسيري سيده والشارع روحه بيوديج للمصانع قبل ما يلف الشارع لليمين عندج محل ميرة للملابس الداخليه يمدحونه ومجابل ميرة على اليسار عندج محل الالوان المتحده حذاله محل يبيع اغراض بلو بيتش بس باسعار وايد رخيصه وهي صناعه بريطانيه وبعدها كملي الشارع وبتوصلين للمصانع عاد ابدي من الاول فاين فير لملابس اليهال وايد حلو على الاقل للبيت وبعده شي امري بعد ملابسه زينه عنده تنانير زارا وماركات ثانيه وبعده عديل وديفانس عند عديل بتحصلين تنانير برومود وعند ديفانس مكس كل شيء وبعده شوي مصنع لونه اصفر اسمه ترند سيترس ( خبرتج عنه مهى ) عنده ماركس وسبنسر واوشجوش بيكوش ونيكست وبريمان وفيكتوريا سيكرت ومب دايم تحصلين القياس واضني هو بعد اغلاهم واذا سرتي شوي جدام محل يبيع لحف وكفرات حلوة وبعدها سيري لاخر الشارع وخذي يسار وامشي لاخر الشارع هذا بتوصلين مطحنه الكواكب مره عدالها لفه خذي يمين بتلاقين مصنع تراديشن هذا اخذ منه الاقطان بس روعه يعني غسيل ولبس وسعرها 5 الى 60درهم وعندهم لورا اشلي وبعد في نفس المنطقه اعتقد شي عالم الاقطان ادخليه ممكن تحصلين شي

والسموحه على القصور

أم حسين
08-03-1426 هـ, 08:07 صباحاً
 
بعد عمري والله ام حسين
كذا الوصف ولا بلاش ، ماشاء الله عليج وصف دقيق
ربي يبارك فيج وفحسين وخواته وابوه وجده وجدته والعائله الكريمه كلها
ويحقق لج كل اللي تتمنينه يارب ويديم عليج الصحه انتي والحلوين اللي حوليج
مشكوووووووووووووووووووووووووووووره يالغاليه
والله انك اكرمتيني بلطفك



ام عبود
وينج ، عسى المانع خير ، الغاليه ام حسين ماقصرت
ربي يجازيها ويجازيكي جنات الفردوس ان شاءلله
08-03-1426 هـ, 08:44 صباحاً
 
أم عمر
والله خجلتيني ... الله لايحرمني من دعواتج ربي يجازيج ويجازينا الفردوس
ماسويت غير الواجب ترانا خوات في الله

وأي شي ثاني من عيوني الثنتين
تامر وتتدلل أم عموري الورده
08-03-1426 هـ, 11:05 صباحاً
 


الساعة الآن 05:14 .