السلاام عليكم

وعـــوده لـــكم بـــعــــد غــيــبــه
واعاده للموضوع اللي نزلته امس عشان الصور ما تطلع للي بالسعوديه من الموقع

ومشكورييين البنات اللي سألو عني والله انهم ما قصرو يزاهم الله خير ...

وكالعاده مابي اطول علييكم ولقفو التشكيله اليديده من الدراريع اللي ****لله تعجبكم

واعذروني بنات على مواضيعي اللي فاتت اللي ما طلعت وياهم الصور وحوشت جم صووره ****لله بنزلهم بموضووع برووحهم عشان ما اسوي زحمه عليكم


يالله حياكم انتمشى ونشووف الدراريع مع الشرح البسيييط :





1- من اليمين :
اللون ذهبي على بييج وعليه شك شذري
الجم مغربي واسع او حسب الطلب يصير عادي


2- الوسط:
اللون فستقي في برتقالي
الخام اسمه بليسه اذا ما كنت سامعه الخياط غلط ههههه
ومثل ما انتو شايفين فيه شغل وسلاسل وسوالف وحركات والجم دققو فيه شويه نص ونص مو قطعه كامله

3- من اليسار:
دراعه طبقتين شكل يديد
اللون اخضر في برتقالي
وفيه تطريز وشغل مرتب





4- من اليمين :
دراعه قطعتين
اللون ازرق غامج مع برتقالي
الخامه تفته
والنقش شك والجم مغربي

5 بالوسط :
داعه ناعمه بس فيها شغل ولو انه شكله خفيف
اللون اسود بقطع تخريج شذري ودار مداره نمنم محدد فيه النقشه عشان يعطي شكل للدراعه ..


6- عاليسار:
دراعه خامتها قطن هندي
اللون سكري
وعليه نقشات بسيطه على شكل نجوم صغار " تطريز "
والجم مغربي او عادي حسب الطلب
07-03-1426 هـ, 03:35 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


7- عاليمين :
اللون اصفر على ذهبي
التخريج اللي عليه بني
الخامه تفته .. الجم عادي او حسب الطلب
وعليها سلاسل وشغل ناعم عالجم


8- عاليسار:
دراعه طبقتين
ازرق في بيج
الخامه شانتون وفيه نفس النقشه ورا الدراعه بنص الظهر تصير واذا تبيون الذري بره والبيج داخل يصير
والجم مغربي او حسب الطلب






9- من اليمين :
بيج في برتقالي ياي عالوردي شوي
الخامه شانتون
والورد اهوا تطريز وشك
وفيها حواشي بالجم واخر الدراعه

10- من اليسار:
اللون اسود والدراعه كلها تطريز مافيها شك
والجم حسب الطلب عادي او مغربي
07-03-1426 هـ, 03:36 مساءً
 



11- من اليمين:
دراعه لونها بيج في بني
عليها قطع تخريج جاهزه مطرزه
والجم حسب الطلب مغربي /عادي


12- من اليسار:
اللون ازرق
الخامه شانتون
وعليها شغل حلو تطريز وشك
والجم حسب الطلب





13- دراعه اللون اسود بشذري
عليها شغل ناعم
وبريم من على الجوانب وتطريز خفيف
والجم حسب الطلب










14- بنات هذي دراعه شلااح
بس ترا الخياط حاط جلاب وصايره الدراعه ملمومه على الجوانب عشان تبين النقشه
طبعا انتو عارفين الدراعه لشلاح شلون تكون واسعه وشكلها مربع يكون


وبس هذا كل ما عندي لكم
واتمنى انه تكون عجبتكم الدراريع لا تنسون نحتاج تشجيعكم
والسموحه على اي تقصير

ناطره آرائكم


07-03-1426 هـ, 03:36 مساءً
 
وجدان الاموره

مشكوووره حبووبه عالمووقع ويعطيج الف عافيه
07-03-1426 هـ, 03:39 مساءً
 
موفقة عزيزتي ...



تحياتي:
غيــــــــــــوض
07-03-1426 هـ, 04:53 مساءً
 


الساعة الآن 07:51 .