جزاكم الله خيراً يا أخواتي على ردودكم وتفاعلكم
أختي أرياف إذا تبغي شي طيب ويقعد معاكي فمن خبرتي تحت المية قليل شوي. يعني مثلاً شوفي الساتان لوحده كقماش قد ايش يكلف وإنتي أدرى بالخياطة ماهي بسيطة وغير كذا التصاميم مو منقولة أبداً بل من خيالي الشخصي فأنا مغرمة بهذه الأمور، إيش رايك عزيزتي؟ إنزلي السوق وألقي نظرة وقوليلي لسة مصرة على رأيك؟ ما أبغى أقولك قد إيش أقعد في التصميم الواحد لأني إمرأة قبل أي شي وأعرف النقاط اللي تضايق الواحدة مننا في قميص النوم وكيف لازم يكون عشان ترتاحي فيه وتكوني واثقة من نفسك مع زوجك وكيف هادا الموديل يلائم اللي جسمها نحيف وهاذا يساعد اللي صحتها حلوة ماشاء الله وكده. أنتظر ردك.
08-03-1426 هـ, 02:28 مساءً
 
أختي الحب في الله أنا أصلاً جسمي مليان وكنت أحس إنه مافي موديلات في السوق تلبق علي تمام هادا أصلاً إذا لقيت قياسي بسهولة أنا بدأت بنفسي وفصلت من تصميمي كذا موديل وأكيد أميل جداً للبساطة والأناقة والراحة في القطعة وقبل كل هادا ....الأنوثة
08-03-1426 هـ, 02:34 مساءً
 
يا أختي بائعة الكبريت شكراً على تفاعلك، الموديلات قمة في النعومة ولكن ألقي نظرة على ردي على الأخت أرياف
08-03-1426 هـ, 02:35 مساءً
 
الأخت مهى مشكورة أولاً، أنا كمان علاقتي مو قد كدة مع الريش بس الناس أذواق عشان كده حبيت أسأل، وفكرة الخف المطقم مع القميص هادي أحبها جداً لأنك فعلاً تحتاري إيش تلبسي في رجولك مع القميص وإحنا هدفنا تكمل أناقتنا ومايكسرها شي كدة بس فكري تاني في "تحت المية" والخامة والشغل والتصميم مية بالمية من راسي والله يكتب الخير للجميع
08-03-1426 هـ, 02:39 مساءً
 
أنا يهمني أن يكون القماش والموديل ناعم
ولا احب كثرة البهرجة
وأهم شيء وجود مقاسات كبيرة.
وجزاك الله خيرا
والسعر مايزيد عن 200 لاني حابه اشتري كم قطع مو وحده من قمصان وبجامات بيت وشورتات وغيره والاهم المقاسات الكبيره رجااااء مثلا 24 و26 ريحينا الله يريحك
08-03-1426 هـ, 05:23 مساءً
 


الساعة الآن 11:20 .