متضايقه

سلام على حبيباتي واخواتي الي ما اقدر استغني عنهم

انا مره ضايق صدري من زوجي له فتره بس ما بوزه ومتضايق من كل شي وكانه كاره كل شي وبس يسب بفلان وعلان ومو عاجبه احد

المهم اليوم جلست معاه ابغاه يفضفض ويقولي ايش مضايقه ( ويا ليتني ما جلست وتكلمت معاه كانت صدمه ليا بصراحه


قلتله انت ايش فيك بس مضايق وطفشان ومو عاجبك احد متهاوش مع احد ؟ او متضايق ماديا ؟ او في شي بالبيت مو عاجبك ؟


تخيلو ايش قال ...............

انتو طلباتكم كثير بس جيب جيب جيب وووووو والله اني انصدمت لاني ما اطلب كثير الا الشي اللزوم وربي يا بنات
بعدين لو طلبات ليا كان عرفت انو ضايقته بطلباتي الخاصه لاكن كل شي نطلبه للبيت ضروري زي اي بيت له متطلباته يا جيب دجاج او تايد او ملح او بساكيت وعصيرات للعيال غير كذا ما اطلب .


ما اتوقعت انو انا الي مضايقته للدرجه هذي ومره اكتابت وحلفتله انو معاد ليا شغل بالبيت انتا روح شوف ايش ناقص وجيب حتى لو خلص صابون الغسيل ما راح اتكلم لو الملابس توصل للسقف .

بصراحه من كلامه حسيت انو انا الي مضايقته ومعاد يحبني زي اول وهو اي شي يطلب وانا لبيه شاي قهوه ماني مقصره عليه بشي ولا تقولون انو شخصيتي ضعيفه لا والله انو يتاثر لا زعلت وما يقصر لاكن بعد ما يزعلني

بصراحه اكتشفت انو يجيب الي هوا يبغاه والي انا ابغاه لا بس هذا الكلام مو دايم لا فترات تجيه يسير كذا ومرات لا والله اني اموت فيه واحس انو مافي زييه بالدنيا .

تكفون يا بنات وواسوني وقولولي ايش الحل

والي تحس انو كلامها ما يفيدني يزيدني ضيقه رجائا لا ترد والا ترى والله ما اسامحها


والله يخليكم ليا يا رب ولا يحرمني من نصايحكم