السلام عليكم


يابنات بعد اسبوع بالضبط من الان زوجي بيعزم الجيران(رجال بس) وطالب مني سفرة حافلة على قولته ومن جد محتارة وش احط ...فياليت تشورون علي باكلات حلوة وطعمة وما تاخذ وقت ...
للمعلومية اطفالي صغار..ماينفع اسنتر بالمطبخ طول اليوم واتركهم
وما عندي عااااااملة..يعني على الله ثم على نفسي
العزيمة عشاء...
ابدؤا من القهوة الى حلى العشاء... الله لايحرمكم الاجر
سمي بالله وتوكلي عليه ... واحتسبي الاجر وان شاء الله تتسهل امورك ...
بالنسبه للقهوه... سوي نوع واحد فقط حلا قهوه حتى ما تنسد نفوسهم عن العشاء ...
وبالنسبه للعشاء ...
سوي عشاء متكامل ....
شوربة كويكر اوبيضاء بالفطر والدجاج او ايدام لحم او مرق خضار ...
صينية بطاطا او صينية مكرونه او صينية خضار او لازانيا اومسقعه ...
مقبلات ... السلطه اساسيه طبعا .... وسوي ورق عنب او كرنب او سمبوسه اوسبرنغ رول او كبه اوبيتزا وفطائر ...
طبق رئيسي رز بلحم .. او رز بدجاج ... وجيبيه من برا احسن لك !!!
المشروبات ... مرطبات وشاي عادي وشاي نعناع ...
والحلا سوي نوع واحد اللي بصحون الحلا كل شخص له صحن احسن لك من الحلا اللي بصواني .. لانو الرجال تقطيعهم غير مرتب ... فانتي ارتب للسفره سوي حلا بصحون الحلا الصغيره ...
وموفقه ان شاء الله ..
يارب ارزقني وكل محروم ,,, الجنين الحي السليم المعافى الكامل الخلقه بلا زياده او نقصان ...
دعواتكم ..
حبيبتي للقهوه لاتسوين حلى بارد خليه للعشاء سوي كنافه وبسبوسه بس وحطيها بالثلاجه ماتخرب عليك حتى لوسويتيها قبل بوقت بالعكس كل ماطولت بالثلاجه مع الشيره تطلع اطعم وبعدين مع الشاي سوي فطاير وكروسون جبن وبيتزاء بالزعتر وبيتزاء بالكشنه حطيه بسله كبيره مع الشاي ومع العشاء سوي كبسة لحم يحبها قلبك وايدامات وسلطات<<<سلطة زبادي سلطة خضار فتوش متبلات اي شي في بالك وسوي ورق عنب مكرونه بالبشمل بالدجاج
صينية التوست بالدجاج وبس
وحلى العشاء خليه بارد سوي حلى الجلكسي حلى الكاسات اشيك لك....

اذا ع الحلويات سويها قبل العزيمه بيوم اريح لك والاشياء الثانيه جهزي اغراضها من بدري وابدي فيها من العصر ع فكره العصريه طويييييييييييييييييييييييييييييييييله يعني يمديك ان شاء الله تخلصين......
موفقه حياتي
ادعي لي بالحمل هالشهر...
شوفي ياقلبي انا سويت حلى قبل امس لصاحباتي لما جوني سويت 8 زبديات مره سهل ولا اخذ من وقتي غير دقايق ينفع مع القهوه وينفع بعد العشاء اللي تبين وهذي صورته




وهذي صينية خضار كل من ذاقها سألني عنها بصراحه طعمها يدوخ ..




اذا عجبك شكلهم علميني واقول لك الطريقه وعندي وصفات سهله وسريعه اصلا احب الاختراعات

على فكره الزبديات لها اغطيه
عيون تعانق بصمت
اذا ممكن تعطيني طريقة الحلى وصينية الخضار
اعتذر لصاحبة الموضوع


الساعة الآن 07:29 .