عزيزتي مثل ما قلتي عندك اطفال يعني وقتك ضيق ومثل ما قال اسال مجرب انا ظروفي مثلك

اجهز للرجال قهوه معها نوعين تمر و معمول جاهز او مسويته قبلها بيومين و محتفظه فيه

وشاي نوعين احمر بالنعناع وشاي نعناع بالزعفران

وبس

العشاء ركزي على الكبسه هي اللي بالوجه وعليها العيون زبطي الكشنه وحبة الرز و الملح وحمري اللحم بخلطه تضبطينها

السلطات اللي حولها

فتوش + خيار بالزبادي + شطه حاره + حمص جاهز وازينه باطباق صغيره + متبل جاهز ومزينته + ورق عنب جاهز وهذول شاريتهم قبل بيوم

ممكن ايدام خضار مشكل او باميه او ملخيه


المشروبات

ببسي + سفن اب + لبن + شمبانيا سعودي

بعد العشاء اذا راحوا المجلس ارسل لهم الحلى

وعلى حسب الوقت واعتمد كثير على الكاسات اسهل في التوزيع وارتب في الشكل

ممكن شيزكيك او سلطه فواكه او مهلبيه او كريم كراميل او طبقات كيك ودريم ويب وشوكلاته وكلهم اجهزها قبل بيوم واغلف كاس كاسه علشان ما تتغير وبس

اما اذا كان العشاء ما فيه كبسة لحم يعني شباب صواني وحركات

اسوي لهم مسقعه ومكرونه بالبشميل و كشري وشوربه الفطر بالكريم او الدجاج بالذره او شوفان

واكون قبلها بيومين لفيت سمبوس وسبرنغ رول وكبه و مجمدتهم و يوم العشاء اطلعها من بدري واقليها

والحلى والمشروبات مثل ما ذكرت لك

والحمد لله الله يديمها من نعم و يرزقنا من فضله

اتمنى اكون فدتك عزيزتي دعواتك لي بصلاح الذريه
30-05-1432 هـ, 02:20 مساءً
 


الساعة الآن 08:42 .