السلام عليكم
حبيباتي
اليوم جتني خبيرة تجميل على كلامها في البيت
تقول انها من مركز مونتيل الالماني للتجميل بالرياض
طبعا تقول انهم يدورون على البيوت ويسوون كشف مجاني على البشره والشعر ويصرفون علاجات بالتخفيض يعني يكون لي عرض خاص... في المنطقه الجنوبيه
المهم اليوم لما شافتني قالت انتي يبي لك بس مغذي للبشره ومجموعه للشعر تغذيه وماسكات وسيروم
وسوت لي عرض مره حلو تقول قبل زواجي بتسوي لي كيراتين مغذي ومجانا وراح تصبغ لي شعري كمان مجانا
طلعت التكاليف 3220 طبعا انا رفضت لانها مره غاليه وقلت لها راح استبعد مجموعة البشره وباخذ مجموعة الشعر وطلع حسابي 1200

انا من جد خايفه
سويت بحث مو طالع لي المركز هذا
ولما كتبت بالانجليزي طلع لي موقع اجنبي بس مو فاهمه منه شي

ابي اسأل بنات الرياض هل صحيح عندكم هالمركز والا كل السالفه انهم مندوبات للشركه

انا بصراحه خفت منها لان كلامها مررره متناقض
قالت لصديقتي كلام وقالت لي كلام غير
وتقول انها لبنانيه والمشكله الشكل واضح انها سعوديه حتى كلامها سعووووووودي الا بعض المصطلحات اللبنانيه تدخلها مع الكلام

تقول راح تبان نتيجة الادويه من اول استخدام
بس انا قلت ان الميزانيه عندي ماتساااااااعد قالت راح استبعد ماسك واذا رشحتي لي 15 رقم عشان ازورهم راح اعطيك الماسك مجانا وقيمته 450
وراح تكون التكلفه 830

قلت لها اليوم ماراح اعطيك كلمه لكن بفكر وبكره ان شاء الله ارد عليك



وش راااااايكم يابنااااااات
صح الموضوع يخوف
محتاره
انا زواجي بعد 3 شهور وفرصه التغذيه اللي راح يحصلها شعري وكمان الكيراتين بس مررررررره متردده
قولوا لو كنتوا بمكاني بتشتروا

وهل صحيح المركز هذا موجود
استعلامات الدليل ماتعرف الرقم وهذا اللي خوفني

انتظررررررركم بفارغ الصبر ابي شوركم عشان ارد عليها بكره


يااختي الله يسامحك هذا زمن يخوف اي وحده تفتحيله الباب وتدخلينها بيتك انا ماابي اخوفك بس انتي فكري لو سوتلك اي شي لاقدر الله انتبهي ولو انا مكانك طبعا ارفض واذا على الشعر والبشره اكثر شي صارعندنا عيادات البشره بس يكون شي مضمون عشان ماتندمي وبتوفيق
نصابه حبيبتي هذي والله اعلم ،،
لان قبل فتره اشتكو كثير بنات من اللعبه هذي من اسماء صالونات وهميه ويستغلون وجود البنات في القصيم او الجنوب ويغرونهم باأسماء صالونات من الرياض عشان يغرونهم ويلعبون عليهم ،، ودفعوا وبالاخير طلع الصالون ماله وجود اصلا ،،،
ومااعرف ابدا صالون الماني اسمه مونتيل عندنا بالرياض ابدا ابدا ابدا
كويس انك ماعطيتيها شي ونصيحه لوجه الله لاتتعاملين معها ولا غيرها اللي مصادرهم مجهوله ،،،
لكل من تعاني من الوسواس القهري ،،،
رددي دائما ،،لاإله الا الله وحده لاشريك له له الملك وله الحمد وهو كل شي قدير ،،،
واستغفري دائما،،
انتبهي ياقلبي لاتصدقي نصابين


ياربي اسالك الرضا والقناعه
بس صديقتي اشترت من عندهم والادويه كلها من هالمركز

لكن من جد انا افكر فيهم

قلت لها تجيب بطاقتها وحاجات تثبت انها خبيره ومن هالمركز

لكن ماجابت البطاقه وبدأت تشغلني بكلامها حتى نسيت
والشهادات اعطتني اوراق انجليزيه وانا صفررررر في الانجليزي

من جد بديت افكر في اللي صار ورااح اكنسل الطلب معاها

وشكلي راح ابلغ وزارة الصحه واعطيهم معلومات عنهم عشان يتأكدوا منهم (( وش رايكم ))

اخاف يأذون بنات المسلمين


الساعة الآن 11:02 .