QUOTE=نايمه]السلام عليكم و الرحمة ...

انا كنت ناويه احط رايي في موضوع ولا توقيع بس زين الي فيه موضوع مخصص ^-^

انا ما خذت من ام خليفه الا مخلط الحجر الاسود بدهن العود .. شفت الكل يمدح منتجاتها و قلت اجرب منتج واحد و اشوف

كلمة حق انا ما بمدح بقول رايي بصراحه ..

اول ما وصلني و رشيته على يدي طلع ما يرش خير شر ... يقطررررررر جنه دهن عووود انا هنيه خقيييييت حتى ما حطيت وايد حطيه شرا ما احط دهن العود عند الاذن ... و ريحته موب جنه الا امررره دهن عود من الثجيل و تجنن
بس ما ادري ليش طلع ما يفوح مثل دهن العود الي استخدمه بالعاده .. انا هنيه تحسفت قلت لا يكون بس موب اوكيه ... ربعت عند خالتي اشممها اياه و شراتي اول ما قطر على اييدها بس من الشكل قالت شكله وايد زين و ريحته احلى ( العاده خالتي تطنز على كل شي اشتريه) .. قلت لها بس خساره خالتي ما يفوح ... عاد قالت لي هوب جيه يا بنت الحلال روحي حطيه على شيلتج و خلاف شميه ..
انا طبعا على طول ربعت هههههههه و مسحت على شيلتي و بالمره على رقبتي ...
والللله يابناااااااااات شو ريحة شيييييييلتي !!! خلوا شيلتي .. انا متعوده اصلي بقميص نوم خفيف او اشياء خفيفه تدرون الصدر ثلاث ارباعه طالع و البس شيلة الصلاه الي تغطي كل شي

والله بعد ما حطيت المخلط صليت ما انتبهت لشي .. ثاني مره ييت اصلي و انا ادخل راسي في الشيله والا الريييييييييييييييحه محلاها فايحه و لين الحين تفوح حتى بعد ماطاف كم يوم ^-^

كل هذا و بسعر ولا احلىىى .. انا اخذ دهن العود شصغره بنفس السعر و هذي غرشه اشكبرها...

الشي الوحيد الي تحسفت عليه من قللللب كان بعد ما شميت عينة العود الملكي قهر ما طلبت منه ... بس ناويه اول ما يخلص الدخون الي عنده ما اطلب الا من العود الملكي و نفس الشي المخلط ^-^

والله ام خليفه تعاملها عسل انا حسبت بتاخر علي بس والله انها راقيه ... حتى دريولهم محترم و تعامله حلو ههههههههههه[/quote]


اسعدني التعامل معاج
وعليج بالعافيه اختي
وشهادتج اعتز بها
دمعووه الغاليه طرشت ج طلبيتج بلغيني بالاستلام
توتة ترانى جربت الدخون الملكى و عجبنى...
شو رايج فى منتوجات عوض القبيسى؟؟؟
انا اشوفها حلوة بس وايد غالية بطريقة مبالغ فيها
عرق زايد و ام الشيوخ ب 500
حرام و****... احسبة استغلال
اريد اعرف شو السر فى عطورها... ليش حلوة؟؟؟
يا ريت تعرفين و تسويلنا شى بسعر معقول...
اقتباس مشاركة  (Romanove)


[grade="4B0082 4B0082 800080 800080 FF1493"]
السلام عليكم ورحمة الله وبركاته

كلمة شكر مني في حق هالإنسانة الرائعة

وأعرف أنه كل الكلام اللي بكتبه ما بيوفيها حقها

إنسانة أمينة وثقة وكلها ذوق

ربي يوفقها ويرزقها الحلال الطيب


طلبيتيه كانت للعرس وهي عبارة عن

مخلط الحجر الاسود بدهن العود

المخلط الملكي

مخلط ورق العود

مخلط الغزال الشمالي

العود المعطر الملكي

الدخون الملكي

مرش العرايس

تولتين من المخمرية اللي بدهن العود


بصراحة أنا بعدنيه ما استلمت الطلبية

استلمهن المعرس وقال لي كل ريحة أحلى عن الثانية

وقال أنه شغل أم خليفة أحلى بواااااايد عن شغل السوق

وأنه من اليوم ورايح ما بنتعامل إلا وياها


ربي يسعدج ختيه أم خليفة دنيا وآخرة

بيضتي ويهي جدامه

والسمووووحة منج أدري وااااايد تعبناج


وإن شاء الله بنتواصل على طول


[/grade]


جزاج الله خير يالغاليه
انا ما سويت غير الواجب ...واشكرج على هالموضوع اللي فاجئني بصراحه واسعدني في نفس الوقت
وبالفعل اسعدت بالتعامل معاج اخت عزيزه وغاليه


الله يوفقج غناتي و يسعدج في حياتج الجديده ان شاء الله جعلها الله ايام سعاده وهناء
والله يزقج الذريه الصالحه

اللهم امين
اقتباس مشاركة  (الغلـــــا)
ماعليها كلام ام خليفه

والله من ايام ريلي يروحني كلينكس قالي شو رايج في الريحه قلت له

تجنن من وين شاري العطر قالي هذا عطر الحرمه اللي ما خليتيني اخذ منها

والله ثم والله ريلي كان بياخذ بس انا ما طعت قلت له هالمره باخذ
المخلط حجر الاسود وبعدين بناخذ شي ثاني

وانا الحينه ندمانه اني مااخذت

ان شاءالله قريب برد اخذ منها

الله يوفقج
فالج طيب يالغاليه ..وحياج الله في اي وقت


الساعة الآن 05:22 .