السلام عليكم ورحمه الله
بقولكم يابنات عن زوجي وحياتنا ..
زوجي وحيد امه وابوه وتوفوا وهو صغيررر مرره وماتزوج الا على كبر لانه راح عمره وهو يجمع للزواج
وماحد ساعده لا ام لا ابو لا اخوان لا خوات كلن لاهي بحياته
احنا الحين ببيت اجار وانتم عارفين كيف الاجارات غاليه نااار
وحاولت اني اساعده واتوظف وجبت واسطات الدنيا مافي فايده ماكتب ربي لي وظيفه
لين شلت فكره الوظيفه من بالي وقررت اكمل دراستي وانتم عارفين ان الدراسه مكلفه جدا مصاريف ملازم ومصروف للجامعه وللباص وللمدرسات الخصوصي وكل شي بثمنه والحين هو ظاغط على نفسه عشان اكمل دراستي واقدر اتوظف اي وظيفه اهم شي اقدر اساعده ونتعاون على ظروف هالحياة
والي يقهررني ان اختي اقرب انسانه لقلبي تغيرت شخصيتها صارت جدا مغروره وتتكلم عن تجارتهم لان زوجها غني ماشاء الله وهو غير متواضع ابد ويهمه المظاااهر بشكل غير طبيعي وداااايم يعيب بزوجي وحياتنا وهي تجي تعلمني ولا همها شعوري حتى او عيالها وبناتها اذا شافوا عيالي يضحكون عليهم ويقولون احنا عندنا ملايين وبيتنا كبير وعندنا سيارات وانتم سياره وحده وخايسه وخربانه وبيتكم صغيررر مره وماعند ابوكم فلوس تخيلوا شعوري وقتها وشعور عيالي وبناتي طبعا عيالي يطالعون
وبكل براءه يقولون لولدها احلف .!!>>> قمه البراءه ياعمري هم
ومو مره دااايم يقولون هالكلام الي كل ماتذكرته ماانام
ومره من المرات صارحت اختي وفتحت لها قلبي وقلت لها : انا احبك واحب عيالك وبناتك بس يضايقني انهم يقولون كذا لعيالي والله ارحمهم قالت وش تبين اسوي ..؟؟ قلت : قولي لهم عيب الي تقولون لخالتكم وعيالها
قالت : هههههههههه فاضيه انتي ...!!
وقد قالت لي عن موقف زوجها من عياله اذا قالوا لي انا وعيالي كلام جارح تقول يضحك >>>>يتفرح علينا
والله يابنات لو عندي حموله كان رضيت اسكن معهم لو بغرفتين عشان يقدر زوجي يجمع ويشتري لنا بيت
لاكن مقطوعين انا وياه من شجره الله يعوضنا بالجنه
والله يابنات ان زوجي جاه السكر وبغى يموت قبل فتره بسبب الهم وانا كبدي كانت تألمني بس لزعلت الحين صار شبه يومي زعلت ولا مازعلت صارت تتعبني >>>>> والله اني خايفه كل ماعورتني كبدي اني امووت وعيالي يضيعون
ادعولي يابنات بظهر الغيب ان الله يفرج همنا ويرزقنا بيت الملك ويشفينا ويسعدناويوفقني بدراستي ..
الله يفرج هم كل من دعت لي يارررب .
aum afnan @aum_afnan
محررة
يلزم عليك تسجيل الدخول أولًا لكتابة تعليق.
دلوعة وامورة رهومة
•
الله يرزقك البيت الملك المريح وتتهني وتترتاحي والله يخليلك زوجك وعيالك يارب
الله يفتح لك ابواب رحمته من فوق سبع سموات
و الله يوسع لك في رزقه و يرزقك ببيت ما كنتي تحلمي فيه
و يشرح قلبك و ييسرلك امرك و تتحقق امانيكي عاجلا غير اجل
يا حي يا قيوم يا من اذا دعيت بحي قيوم اجبت
/
موفقه حبوبة
و الله يوسع لك في رزقه و يرزقك ببيت ما كنتي تحلمي فيه
و يشرح قلبك و ييسرلك امرك و تتحقق امانيكي عاجلا غير اجل
يا حي يا قيوم يا من اذا دعيت بحي قيوم اجبت
/
موفقه حبوبة
اكثري من الاستغفار والدعاء وربي يرزقك الي تتمنينه ويخلي لك زوجك وعيالك امين يارب العالمين وبصراحه اختك مالها داعي بقووه المفروض توقف معك وترفع من معنوياتك مو تتريق عليك الحمدلله والشكر على نعمه العقل
جود2005
•
حبيبتي هوني على نفسك الفلوس مو كل شي وعلمي اولادك انه الفلوس مو كل شي وانه الغنى غنى النفس يعني ماعليكي في الي حوالينك وعلمي اولادك يردوا على اولاد اختك عشان لا يعيشوا وهم على بالهم انه الفقر عيب .... والله يرزقك انتي وزوجك من واسع فضله ويغنيكم يارب
الصفحة الأخيرة