السلام عليكم
خواتي لو سمحتوا ممكن تساعدوني امي الاسبوع الجاي بيجيها حريم وانا ودي اعملها تشكيله حلوه مثل صحن حلى ومعجنات ..الخ
وابكم تساعدوني عطوني طرق حلويات او اي شي اسويه بس يكون سهل لاني مبتدئه بالطبخ
ودي افرح امي واونسها ساعدوني
01-06-1432 هـ, 04:24 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ابشري ماطلبتي شي
جيبي سبرنج رول
واحشيه بهالمقادير بعد ماتنطبخ طبعا
بصلة مفرومة
دجاج مسلوق ومفتت
فلفل رومي قطع صغيره
جزره مبشور بشر ناعم
بهارات
ولفيها زين واقليها فالزيت تحمير خفيف فقط

اشوف لك حلى سهل وارجع لك
01-06-1432 هـ, 05:44 صباحاً
 
شوفي اول شي السبرنق رول تقدري تسوي منه اشياء كثير
خذي االصغير واقطعيه من النصف واحشيه جبن كيري ولفيه اصابع وادهني طرفه بشوي من عجينة اللصق اللي هي مويه ودقيق واقليه وبعدين اسقيه با الشيره طعمه خطير

خذي بصل وحطيه مع الشوي زيت وعلى النار حتى ما يذبل وبين خذي جزر مبشور وكرمب مقطع صغير وفلفل رومي مقطع صغير وحطيهم على البصل وحطي البهارات وشوي من صلصة الصويا واتركيه عشر دقايق حتى يذبل الخضار واذا عندك بقايا دجاج فتيتيه وحطيه با الاخيروبعدين احشي فيه السبرنق رول ويا تقليه او تمسحيه بزيت وتحمريه با االفرن


وعندك عجينة البف اقطعيها من النصف على شكل مثلث واحشيها بجبن ابيض او مثلث او زعتر اللي تحبي وقفلي اطرافه با الشوكه ودخليه الفرن بس خليك قريبه بسرعه يستوي ما ياخذ وقت


عندك عجينة العشر دقايق سوي بحث واعمليها تسوي لك كميه كبيره
سوي منها خلية النحل او بيزا او كروسان سينبون رولز اللي تحبي

واي سؤال انا حاضره وخلي الوالده تدعيلنا
01-06-1432 هـ, 06:07 صباحاً
 
رفع
الله يطول بعمر امك
والبنات ماراح يقصرون ,,
01-06-1432 هـ, 06:09 صباحاً
 
اعملي لها خلية نحل بجبن الكيري مرة لذيذة اوبيتزا بالتوست الطريقة المعتادة بس باضافة دهن التوست بالجبن السائل قبل وضع صلصلة البيتزا عليها بعدين ضيفي الفلفل والزيتون والجبن ودخلية الفرن من تحت بس شوي لاطول بعدين من فوق عشان تسيح الجبنة هذي سهلة لانك مبتدئة
الحلى شعيرية باكستانية محمصة بشوي زبدة حليب نستلة و1وربع بسكوت مجروش و3ملاعق زبدة الفول السوداني تعجن سوى ثم تكورينها وتوزعينها بالصينة ثم تصبين عليها حليب نستلة وتزينينها بالهرشي وتضعين في وسط كل كورة عوداسنان
ادعيلي بالوظيفة
01-06-1432 هـ, 06:33 صباحاً
 


الساعة الآن 06:38 .